అభిమానిపై కోపంతో అరిచిన కమల్ హాసన్, వెంటనే పోలీసులు ఏం చేశారంటే?
సారాంశం
కమల్ హాసన్ లో కోపం ఎప్పుడైన చూశారా? ఆయన అభిమానులను తిట్టడం, కోప్పడటం లాంటి సంఘటనలు ఎప్పుడైనా జరిగాయా? తాజాగా కమల్ తన అభిమానిపై అసహనం వ్యక్తం చేశారు. ఇంతకీ అంతలా ఆ అభిమాని ఏం తప్పు చేశాడు.
ఈ సంఘటనకు సంబంధించిన వీడియో ప్రస్తుతం సోషల్ మీడియాల్లో వైరల్గా మారింది. వివరాల్లోకి వెళితే… చెన్నైలో మక్కల్ నీది మయ్యం పార్టీ సమావేశం ఇటీవల నిర్వహించబడింది. ఈ కార్యక్రమంలో కమల్ హాసన్ పాల్గొన్నారు. కార్యక్రమం మధ్యలో, ఒక కార్యకర్త వేదికపైకి వచ్చి పెద్ద కత్తిని ఆయనకు బహుమతిగా అందజేశారు. ప్రారంభంలో కమల్ నవ్వుతూ కత్తిని స్వీకరించారు.
అయితే, మరో కార్యకర్త బలవంతంగా ఆ కత్తిని కమల్ చేతికి మరింత స్పష్టంగా అందజేయాలని ప్రయత్నించగా, ఆయన అసహనం వ్యక్తం చేశారు. కమల్ హాసన్ ఓ కార్యకర్తను హెచ్చరిస్తూ, “కత్తిని కిందపెట్టు” అని ఆదేశించారు. ఈ సమయంలో అక్కడే ఉన్న పోలీస్ అధికారి వెంటనే తీసుకొని, కార్యకర్తను అడ్డుకున్నారు. కత్తిని పక్కన పెట్టించి, పరిస్థితిని అదుపులోకి తీసుకొచ్చారు.
ఈ ఘటన అనంతరం కొంతమంది కార్యకర్తలు కమల్తో సెల్ఫీలు దిగేందుకు, షేక్ హ్యాండ్ ఇవ్వాలని ఆరాటం చూపారు. భద్రతా సిబ్బంది వెంటనే స్పందించి వారిని వేదిక నుంచి తిప్పి పంపించారు.
ఈ ఘటనతో కార్యక్రమంలో కొంతసేపు ఉద్రిక్తత నెలకొన్నా, కమల్ హాసన్ వెంటనే కార్యక్రమాన్ని కొనసాగించారు. సోషల్ మీడియాలో ఈ వీడియో వైరల్ అవుతోంది. నెటిజన్లు కూడా రకరకాలుగా స్పందిస్తున్నారు. కార్యక్రమంలో భద్రతా లోపంపై కూడా ప్రశ్నలు తలెత్తుతున్నాయి.