The Ten Commandments: న్యూ ఇయర్ కానుకగా.. న్యూ ది టెన్ కమాండ్మెంట్స్

ప్ర‌పంచ సినిమా చ‌రిత్ర లో   ‘ది టెన్ కమాండ్మెంట్స్’ ది ఒక ప్ర‌త్యేక స్థానం. ఓల్డ్ టెస్టెమెంట్ లోని అద్భుతాన్ని తెర‌మీద కు తెచ్చిన ‘ది టెన్ కమాండ్మెంట్స్’ ఒక విజువ‌ల్ వండ‌ర్. ఈ అద్భుతం ఇప్పుడు మరో సారి వెండిత‌ర మీద నూత‌న సంవ‌త్స‌ర కానుక‌గా రాబోతుంది.

అమెరికన్ సినిమా వ్యవస్థాపక పితామహుడిగా, చలనచిత్ర చరిత్రలో అత్యంత విజయవంతమైన నిర్మాత,దర్శకుడిగా నిలిచిన సెసిల్ బి డెమిల్లే 1956లో  220 నిమిషాల నిడివితో “ది టెన్ కమాండ్‌మెంట్స్” సినిమాని రూపొందించారు.పారామౌంట్ పిక్చర్స్ ఈసినిమాను నిర్మించారు. ఇండియాలో ఈసినిమా ముంబై, ఢిల్లీ, కోల్‌కతా, హైదరాబాద్, బెంగళూరు మరియు చెన్నై లాంటి మెట్రో నగరాలలో 50 వారాలకు పైగా ప్రదర్శితమైంది.

65 సంవత్సరాల తర్వాత ఈ సినిమాను రీమేక్ చేశారు. ఇందులో మిషన్ ఇంపాజిబుల్ 2 అండ్ బాట్‌వుమన్ 2022 ఫేమ్ డౌగ్రే స్కాట్  మోసెస్‌ పాత్రలో నటించారు. భారీ బడ్జెట్ తో తెరకెక్కిన ఈ సినిమా 2021, డిసెంబర్ 31న న్యూ ఇయర్  కానుకగా ప్రపంచ వ్యాప్తంగా రిలీజక కాబోతోంది. పాన్ ఇండియా స్థాయిలో ఇంగ్లీష్, తమిళం  తెలుగులో సినిమాను రిలీజ్ చేయబోతున్నారు.

ఈ మూవీలో మోసెస్‌గా డౌగ్రే స్కాట్, ఆరోన్‌గా లినస్ రోచ్, మెనెరిత్‌గా నవీన్ ఆండ్రూస్, జిప్పోరాగా మియా మాస్ట్రో, రామ్‌సెస్‌గా పాల్ రైస్, అనందర్‌గా రిచర్డ్ ఓబ్రెయిన్, జెరెడ్‌గా సిలాస్ కార్సన్, మిరియమ్‌గా సుసాన్ లించ్, రాణిగా క్లైరే బ్లూమ్, ఇంకా జెత్రోగా ఒమర్ షరీఫ్ నటించారు.రాబర్ట్ డోర్న్‌హెల్మ్ మరియు జెఫ్రీ మడేజా దర్శకత్వం వహించిన ఈ సినిమాకి జేసన్ కామియోలో, రాండీ ఎడెల్‌మాన్ సంగీతం అందించగా.. ఎడ్వర్డ్ జె పేయ్ సినిమాటోగ్రఫీ అందించారు. క్రిస్మస్  మరియు నూతన సంవత్సర  కానుకగా డిసెంబర్ 31 న  ప్రపంచమంతటా ఈ సినిమా భారీ స్థాయిలో విడుదల కాబోతుంది.