Thank You: దిల్ రాజుకు దడ? అందుకే ఈ జాగ్రత్తలు

నిజానికి నాగార్జున తన సొంత బేనర్ అన్నపూర్ణ స్టూడియోస్ లో చైతుని లాంచ్ చేసి ఉండొచ్చు. కానీ అప్పట్లో దిల్ రాజు సక్సెస్ రేట్ చూసి నాగ్ ఆ డెసిషన్ తీసుకున్నాడు. వాసు వర్మ దర్శకుడిగా పరిచయమైన జోష్ దర్శకుడిగా అతనికి హీరోగా చైతు కి సక్సెస్ అందించలేకపోయింది. 

ఓ సినిమా రిలీజ్ అవుతోందంటే ఖచ్చితంగా నిర్మాతలు టెన్షన్ ఉంటుంది. అందులోనూ ఎంత పబ్లిసిటీ చేసినా బజ్ క్రియేట్ చేసినా వర్కవుట్ కానీ ప్రాజెక్టుపై అది మరింత ఎక్కువే ఉంటుంది. ఇప్పుడు దిల్ రాజు పరిస్దితి అదే అంటోంది ట్రేడ్.  అక్కినేని నాగ చైతన్య హీరోగా దిల్‌రాజు ప్రొడక్షన్‌, ఆదిత్య మ్యూజిక్‌ కాంబినేషన్‌లో దిల్‌రాజు, శిరీష్‌ నిర్మించిన చిత్రం ‘థాంక్యూ’. రాశీఖన్నా, మాళవికా నాయర్‌  హీరోయిన్స్. విక్రమ్‌ కె.కుమార్‌ (Vikram k kumar)దర్శకత్వం వహించారు. ఈ నెల 22న సినిమా విడుదలవుతుంది . ఈ సినిమాకు దిల్ రాజు అండర్ ప్లే చేస్తున్నారనిపిస్తోంది. #ThankYouTheMovie 

ఎందుకంటే రన్ టైమ్ 2  గంటలకు కుదించారు. టిక్కెట్ రేట్లు తగ్గించారు. అమెరికా నుంచి ఆంధ్రా దాకా తనే  సొంత రిలీజ్ చేస్తున్నారు. ఇన్ని జాగ్రత్తలు చాలా రోజులు తర్వాత దిల్ రాజు ఓ ప్రాజెక్టుకి  తీసుకుంటున్నారు. అందుకు కారణం ఈ మధ్యకాలంలో ఏ సినిమాకు సరైన ఓపినింగ్స్ లేకపోవటం అంటున్నారు. మాస్ సినిమా అనుకున్న ది వారియర్ సైతం డిజాస్టర్ రిజల్ట్ వచ్చింది. ఇదో ఫీల్ గుడ్ సినిమా. ఇవన్నీ ఒకెత్తు అయితే నాగ్ కు ఇచ్చిన మాట మరొక ఎత్తు. 

దిల్  రాజు మీద ఉన్న నమ్మకంతో చైతు మొదటి సినిమాను శ్రీ వెంకటేశ్వర క్రియేషన్స్ బేనర్ కి అప్పగించాడు నాగ్. నిజానికి నాగార్జున తన సొంత బేనర్ అన్నపూర్ణ స్టూడియోస్ లో చైతుని లాంచ్ చేసి ఉండొచ్చు. కానీ అప్పట్లో దిల్ రాజు సక్సెస్ రేట్ చూసి నాగ్ ఆ డిసిషన్ తీసుకున్నాడు. వాసు వర్మ దర్శకుడిగా పరిచయమైన జోష్ దర్శకుడిగా అతనికి హీరోగా చైతు కి సక్సెస్ అందించలేకపోయింది. దాంతో దాదాపు పన్నెండేళ్ళ తర్వాత ఇప్పుడు ‘థాంక్యూ’ అనే సినిమా  చేసారు దిల్ రాజు. ఈ సినిమా తేడా కొడితే నాగార్జున దగ్గర తల ఎత్తుకోలేరనేది నిజం. #NagaChaitanya

ఇక  ఈ సినిమాకు బీవీఎస్ రవి కథ అందించాడు. జీవితంలో మన ఎదుగుదలకు తోడ్పడిన వాళ్లు ఎవరైనా స‌రే వాళ్లని అస్సలు మర్చిపోకూడదు.. ప్రతి ఒక్కరిని గుర్తుపెట్టుకోవాలి అనేది ఈ సినిమా కాన్సెప్ట్. వినడానికి చాలా ఎక్సైటింగ్‌గా ఉన్న ఈ కాన్సెప్ట్ ను సినిమాగా ఎలా మలిచారు అనేది ఆసక్తికరంగా మారింది. అయితే అదే సమయంలో గత కొంత కాలంగా ఏ సినిమాకూ సరైన ఓపినింగ్స్ రాకపోవటం భయానికి గురి చేస్తోంది. #ThankYouTheMovie

స్టోరీ లైన్ గా రిఫ్రెష్ గా అనిపిస్తున్నప్పటికీ కమర్షియల్ ఎలిమెంట్స్ పెద్దగా లేవని ఇప్పటికే వదిలిన ప్రమోషన్ మెటీరియల్ ని బట్టి అర్దమవుతోంది. ఇదో ఫీల్ గుడ్ సినిమా అనిపిస్తోంది. ట్రైలర్ బజ్ క్రియేట్ చేయటంలో ఫెయిలైంది.   ముఖ్యంగా ఇలాంటి సినిమాలకు పాటలు కీలక పాత్ర వహిస్తాయి. కానీ ఆడియో కూడా పెద్దగా వర్కవుట్ కాలేదు. నాని నటించిన అంటే సుందరానికి కూడా భాక్సాఫీస్ దగ్గర నిలబడకపోవటం జరిగింది. ఇవన్నీ ట్రేడ్ లో చర్చగా మారాయి. #NagaChaitanya

నాగచైతన్య ఈ సంవత్సరం మొదట్లో బంగార్రాజుతో హిట్ కొట్టారు. ఇప్పుడు ఆ సక్సెస్ ని కంటిన్యూ చేస్తారా లేదా అనేది అభిమానుల్లో డిస్కషన్ గా మారింది. ప్రేమమ్ సినిమాలో మూడు వయసులకు సంబంధించిన ప్రేమకథలు ఉంటాయి. ఇప్పుడు థాంక్యూలో కూడా చైతన్యకు స్కూల్ ఏజ్ లో ఒక లవ్ స్టోరీ.. ఆ తర్వాత ఒక ప్రేమ కథ ఉంటాయి. ముందు సెల్ఫిష్ గా ఉన్న హీరో.. ఆ తర్వాత ఎలా మారాడు.. అందరికీ థాంక్యూ ఎలా చెప్పాడు అనేది జూలై 22న తెరమీద చూడాలి. చైతూ మాత్రం ఈ సినిమాపై బాగా నమ్మకంగా ఉన్నాడు. #ThankYouTheMovie

అక్కినేని నాగ చైతన్య మాట్లాడుతూ...  ‘‘ ‘మనం ఎక్కడ మొదలయ్యామో మరిచిపోతే చేరిన గమ్యానికి విలువ ఉండదని’ ఈ సినిమాలో డైలాగ్‌ ఉంటుంది. ఆ డైలాగ్‌ గురించి ఆలోచించినప్పుడు నాకు వైజాగ్‌ గురుకొస్తుంది. నా సక్సెస్‌ స్టోరికి పెద్ద రీజన్‌ వైజాగ్‌. ఇక్కడ షూటింగ్‌ చేసిన ప్రతీ సినిమా నాకు కమర్షియల్‌ సక్సెస్‌ ఇవ్వటంతోపాటు హీరోగా మరో మెట్టు క్కించింది. ‘థాంక్యూ’ అనే పదాన్ని మనం రోజు వాడుతుంటాం. కానీ అవసరం ఉన్న చోట వాడం. థాంక్యూ పదానికి అసలు అర్థాన్ని థాంక్యూ సినిమా నేర్పించింది. థాంక్యూ చెప్పటానికి సిగ్గు పడకూడదు. ‘మనం’లాంటి అలాంటి సినిమాను ‘థాంక్యూ’ రూపంలో ఇవ్వబోతున్నాడు. పీసీ శ్రీరామ్‌గారితో పని చేయడం అనేది నా డ్రీమ్‌. ఈ సినిమాతో అది నేరవేరింది’’ అని అన్నారు. #NagaChaitanya