బాక్సింగ్‌ రింగ్‌లో తమన్నా ఐటెమ్‌ సాంగ్‌ మోత.. కేకపెట్టిస్తుందిగా

వరుణ్‌ తేజ్‌ హీరోగా రూపొందుతున్న `గని` చిత్రంలో తమన్నా  స్పెషల్‌ సాంగ్‌ చేసింది. `కొడితే.. `అంటూ  సాగే  ఈ పాటని సంక్రాంతి కానుకగా శనివారం విడుదల చేశారు. 

ఓ వైపు స్టార్‌ హీరోయిన్‌గా  రాణిస్తూనే ఐటెమ్‌ సాంగ్స్ లో, స్పెషల్‌  సాంగ్‌లో మెరవడం గత కొంత  కాలంగా ట్రెండ్‌గా  మారిపోయింది. గతంలో ఐటెమ్‌ సాంగ్‌లకు,  స్పెషల్‌ నంబర్లకి ఇతర నటీమణులను తీసుకునే వారు.  కానీ కొంత కాలంగా హీరోయిన్లే ఇలాంటి సాంగ్స్  చేస్తుండటంతో సినిమాల్లో అవి హైలైట్‌గా  మారుతున్నాయి. క్రేజ్‌ని తీసుకొస్తున్నాయి. తమన్నా(Tamannah)  చాలా  కాలంగానే ఐటెమ్ సాంగ్స్ చేస్తుంది. తాజాగా ఆమె మరో ఐటెమ్‌ సాంగ్‌ చేసింది. 

వరుణ్‌ తేజ్‌(Varun Tej) హీరోగా రూపొందుతున్న `గని`(Ghani) చిత్రంలో తమన్నా  స్పెషల్‌(Tamannah Special Song) సాంగ్‌ చేసింది. `కొడితే.. `అంటూ  సాగే  ఈ పాటని సంక్రాంతి కానుకగా శనివారం విడుదల చేశారు. ఇందులో తమన్నా తనదైన  మాస్‌ స్టెప్పులతో రెచ్చిపోయింది. బాక్సింగ్‌ రింగ్‌లో ఆమె వేసే  హాట్‌ డాన్సుకి కుర్రాళ్ల మతిపోతుందని  చెప్పొచ్చు.  తన హాట్‌ అందాలను ఆరబోస్తూ పొట్టి కాస్ట్యూమ్స్ ధరించి కిర్రాక్‌ స్టెప్పులతో కేక పెట్టిస్తుంది తమన్నా. ఆడియెన్స్ కిది మంచి  విజువల్‌ ట్రీట్‌గా ఉండబోతుందని చెప్పొచ్చు. 

వరుణ్‌ తేజ్‌ హీరోగా, సాయీ మంజ్రేకర్‌ కథానాయికగా, కిరణ్‌ కొర్రపాటి దర్శకత్వంలో రూపొందుతున్న చిత్రం `గని`.  అల్లు అర్జున్‌ అన్నయ్య అల్లు బాబీ, సిద్దు ముద్ద సంయుక్తంగా నిర్మిస్తున్నారు. తమన్‌ సంగీతం అందిస్తున్నారు.  తాజాగా విడుదలైన `కొడితే` పాటని హరిక నారాయణ్‌ ఆలపించగా రామజోగయ్య శాస్త్రి రాశారు. ప్రస్తుతం పాట  యూట్యూబ్‌లో ట్రెండ్‌ అవుతుంది. బాక్సింగ్ నేపథ్యంలో లవ్ అండ్‌ యాక్షన్ ఎంటర్‌టైన్‌గా దూపొందించిన ఈ మూవీ త్వరలోనే ప్రేక్షకుల ముందుకు రానుంది. 

ఇక తమన్నా ఇటీవల `మ్యాస్ట్రో` చిత్రంలో నెగటివ్‌ రోల్‌ చేసి మెప్పించింది. తనలోని మరో యాంగిల్‌ని ఆవిష్కరించింది. ప్రస్తుతం ఆమె `భోళాశంకర్‌`లో చిరంజీవితో, `ఎఫ్‌3`లో వెంకటేష్‌తో, `గుర్తుందా  శీతాకాలం`లో సత్యదేవ్‌తో కలిసి నటిస్తుంది.