బాలా డైరెక్షన్ లో సూర్య ఎక్స్ పెర్మెంటల్ మూవీ ఫిక్స్.. అఫీషియల్ గా అనౌన్స్ చేసిన టీమ్.

సినిమా విషయంలో కొత్తగా ఆలోచించే హీరోలలో హీరో సూర్య(Surya) ముందు వరసలో ఉంటాడు. అందుకే ఆయన సినిములు సక్సెస్ అయినా కాకపోయినా.. బాగుంటాయి.  ఈమధ్య వరుస సక్సెస్ లతో దూసుకుపోతున్న సూర్య బాలాతో మరో ప్రయోగాత్మక సినిమాను ప్రకటించాడు. 

తమిళ స్టార్ హీరో సూర్య(Surya) మొదటి నుంచి కూడా కొత్తదనానికి ప్రాధాన్యతనిస్తూ సినిమాలు చేస్తున్నాడు.కొత్త కొత్త కథలను వెతికి మరీ సెలక్ట్ చేసుకుంటాడు సూర్య.   అంతే కాదు సోషల్ మెసేజ్ ఇచ్చే  సినిమాలలో పాత్రలను చేయడానికి ఉత్సాహాన్ని చూపుతాడు సూర్య. ఆ మధ్య ఆకాశమే నీ హద్దుర తో పాటు జై భీమ్ సినిమాతో అదరగొట్టాడు సూర్య(Surya). ఈ రెండు సినిమాలు సోషల్ మెసేజ్ తో పాటు కమర్షియల్ ఎలిమెంట్స్ కూడా కలిసి ఉండటంతో సూపర్ డూపర్ హిట్ అయ్యాయి. 

ఇక ఆయన రీసెంట్ సినిమా ఈటి మాత్రం నిరాశపరిచింది సూర్యను. ఈ నెల 10న రిలీజ్ అయిన ఈసినిమా అంతగా ఆడలేదు.  పాండిరాజ్ దర్శకత్వం వహించిన ఈ సినిమాపై  పెరిగిన అంచనాలను అందుకోలేకపోయారు.  రెండు సినిమాల సక్సెస్ తరువాత ఈ సినిమాతో హ్యాట్రిక్ కొట్టాలని అనుకున్నాడు సూర్య. కాని స్టార్ హీరో ఆశలు ఫలించలేదు. 

ఇక ఈటి  సినిమా తరువాత సూర్య(Surya)తో సినిమా కోసం చాలా మంది దర్శకులు లైన్ లో ఉన్నారు. అంతే కాదు బోయాపాటి శ్రీనుతో కలిసి డైరెక్ట్ తెలుగు మూవీ చేయడానికి కూడా సూర్య ప్రయత్నిస్తున్నారు. కాని ఈ ప్రాజెక్ట్ కు ఇంకా టైమ్ పట్టే అవకాశాలు ఉన్నాయి. అటు తమిళం నుంచీ.. వెట్రిమారన్.. బాలా లాంటి దర్శకుల ప్రాజెక్టులను సూర్య లైన్లో పెట్టాడు. ఈ రెండు సినిమాలను ఆయన ఒకే సమయంలో చేయాలని ప్లాన్ చేసుకున్నాడు. ఇక ఇందులో ముందుగా బాలా డైరెక్షన్ లో   ప్రయోగాత్మక సినిమాని అనౌన్స్ చేశాడుసూర్య. 

బాలాతో సినిమా చేయబోతున్నట్టు అఫీషియల్ అనౌన్స్ మెంట్ వచ్చేసింది. సూర్య హీరోగా బాలా డైరెక్షన్ లో.. కృతి శెట్టి హీరోయిన్ గా..జీవి ప్రకాశ్ కుమార్ మ్యూజిక్ డైరెక్షన్ లో సినిమా ను చేయబోతున్నట్టు అఫీషియల్ అనౌన్స్ మెంట్ ఇచ్చేశారు టీమ్. అంతే కాదు ఈరోజు నుంచి సినిమా షూటింగ్ ను అఫీషియల్ గా  స్టార్ట్ చేస్తున్నట్టు ప్రకటించారు.

డైరెక్టర్ బాలా అంటేనే ఎక్స్ పెర్మెంట్ల కింగ్. ఆయన ఏ సినిమా చేసినా.. ఎంత చిన్న సినిమా చేసినా.. అది ప్రయోగాత్మక చిత్రమని చెప్పేయవచ్చు. అలాగే సూర్యతో కూడా ఆయన ఇలా డిఫరెంట్ కాన్సెప్ట్ ను తీసుకుని సినిమా చేయబోతున్నట్టు తెలుస్తోంది. అంతే కాదు ఇందులో సూర్య(Surya) ద్విపాత్రాభినయం చేయనున్నాడని  సమాచారం.  

సూర్య(Surya) ఇప్పటి వరకూ చేయని  చెవిటి - మూగ పాత్రలో కనిపిస్తాడని చెబుతున్నారు. గతంలో సూర్య సుందరాంగుడు సినిమాలో పొట్టి గూని పాత్రలో నటించారు. ఇప్పుడు మూగ, చెవిటి పాత్రలో కనిపించబోతున్నారు. అయితే ఈ మూవీలో కృతీ శెట్టిని హీరోయిన్ గా అనౌన్స్ చేసినా.. మరో ముఖ్యమైన పాత్రలో  మాజీ హీరోయిన్ సూర్య సతీమణి జ్యోతిక కనిపించబోతుందని కోలీవుడ్ సమాచారం.

 ఇక గతంలో సూర్య(Surya) ద్విపాత్రాభినయం చేసిన బ్రదర్స్ ..24, సెవెంత్ సెన్స్ సినిమాలకి మంచి రెస్పాన్స్ వచ్చింది. ఈ సారి సూర్య చేస్తున్న ప్రయోగం ఎంతవరకూ ఫలిస్తుందన్నది చూడాలి. అంతే కాదు ఈసినిమాకు సంబంధించి అఫీషియల్ గా ఇంకొన్ని విషయాలు అనౌన్స్ చేయాల్సి ఉంది.