సితార అదరగొట్టేసిందిగా.. కూతురి డ్యాన్స్ వీడియోతో సూపర్ స్టార్ మహేష్ దీపావళి శుభాకాంక్షలు...

సూపర్ స్టార్ మహేష్ బాబు దీపావళి విషెస్ చెబుతూ కూతురు సితార చేసిన సంప్రదాయనృత్య వీడియోను షేర్ చేశారు. ఇప్పుడా వీడియో నెట్టింట్లో వైరల్ అవుతోంది. 

హైదరాబాద్ : సూపర్ స్టార్ మహేష్ బాబు కూతురు సితార గురించి ప్రత్యేకంగా చెప్పనక్కరలేదు. చిచ్చుబుడ్డిలాంటి అమ్మాయి. సితార అంటే మహేష్ కు ఎంతో ప్రేమ. ఆమెకు చదువుతో పాటు నృత్యకళల్లోనూ శిక్షణ ఇప్పిస్తున్నారు మహేష్-నమ్రత దంపతులు. తాజాగా దీపావళికి మహేష్ బాబు తన కూతురు చేసిన ఓ డ్యాన్స్ వీడియోతో దీపావళి శుభాకాంక్షలు తెలిపాడు.

అందరికీ దీపావళి శుభాకాంక్షలు. మీ జీవితాల్లో ప్రేమ, వెలుగు, సంతోషం ఎల్లప్పుడూ ఉండాలి అంటూ క్యాప్షన్ తో ఈ వీడియోను పోస్ట్ చేశాడు మహేష్. పోస్ట్ చేసిన సెకన్లలోనే ఈ వీడియో వేలాది రీ ట్వీట్స్, లైక్స్ తో దూసుకుపోతోంది. ఆ వీడియో మీరు కూడా చూసేయండి.