డబ్బిస్తేనే వస్తా.. శ్రుతిహాసన్ తీరుతో షాక్!

టాలీవుడ్ లో ఒకప్పుడు స్టార్ హీరోయిన్ గా వరుస చిత్రాల్లో నటించిన శ్రుతిహాసన్ ఈ మధ్య సినిమాలు బాగా తగ్గించింది. అవకాశాలు లేకనో, ఆమె ఆసక్తి చూపకనో సౌత్ లో సినిమాలు అయితే బాగా తగ్గించేసింది. ప్రస్తుతం తన బాయ్ ఫ్రెండ్ మైకేల్ కోర్సలేతో ప్రేమ వ్యవహారం సాగిస్తోన్న ఈ బ్యూటీ ఇటీవల ఓ హిందీ సినిమాకు సైన్ చేసింది.

'ఠాకూర్ దేవదాస్' అనే టైటిల్ తో రూపొందుతోన్న ఈ సినిమాలో విద్యుత్ జమ్వాల్ హీరోగా నటిస్తున్నాడు. ఈ సినిమాలో హీరో విద్యుత్ కంటే శ్రుతి డబుల్ రెమ్యునరేషన్ చార్జ్ చేస్తోందని సమాచారం. అంతేకాదు.. ఈ సినిమాకు రోజువారీ పద్దతిలో పేమెంట్ తీసుకుంటుందట. అది కూడా అడ్వాన్ గా అని సమాచారం.

తన మేనేజర్ అడ్వాన్స్ ముట్టిందని చెబితేనే ఆరోజు షూటింగ్ లో పాల్గొంటుందట. ఈ లెక్కన ఆమె ఒక సినిమాకు తీసుకునే రెమ్యునరేషన్ కంటే ఎక్కువ ముట్టజెప్పుతున్నారని సమాచారం.

ఈ సినిమాలో నజీరుద్ధీన్ షా, అమోల్ పాలేకర్ వంటి నటులు కీలక పాత్రలు పోషిస్తున్నారు. ఈ సినిమా తప్ప శ్రుతి మరే సినిమాకు సైన్ చేయలేదు. ఈ ఏడాదిలో శ్రుతి నుండి ఓ ఆల్బం కూడా రాబోతుందని అంటున్నారు. నటిగా కంటే సింగర్ గా సెటిల్ అవ్వాలని చూస్తోందని టాక్!