హీరోయిన్ సారా అలీఖాన్ పై నెటిజన్లు ఫైర్!

బాలీవుడ్ హీరోయిన్ సారా అలీఖాన్ పై సోషల్ మీడియాలో నెటిజన్లు ఓ రేంజ్ లో ఫైర్ అవుతున్నారు. తాజాగా సారా ఓ మ్యాగజైన్ కోసం ఫోటో షూట్ లో పాల్గొంది. అందులో ఆఫ్రికన్ తెగకు చెందిన ఒక వ్యక్తి పక్కన నిల్చొని పోజిచ్చింది.

ఈ ఫోటో షూట్ లో కెన్యాలో నిర్వహించారు. ఈ ఫోటోలను సదరు మ్యాగజైన్ విడుదల చేసింది. అయితే ఈ ఫోటోలను చూసిన నెటిజన్లు సారాపై మండిపడుతున్నారు  ఒక మనిషిని వస్తువులా వాడుకొని పోజివ్వడం ఏంటి అంటూ సారాని ప్రశ్నిస్తున్నారు.

ఆఫ్రికన్లు మీ ఫోటోషూట్ కోసం వాడుకునే వస్తువులా అంటూ ఆమెపై విమర్శలు గుప్పిస్తున్నారు. సాటి మనిషిని అవమానించే విధంగా ఉన్న ఈ ఫోటోలను వెంటనే డిలీట్ చేయాలని డిమాండ్ చేస్తున్నారు.

ప్రముఖ హీరో సైఫ్ అలీఖాన్ కూతురిగా బాలీవుడ్ లో 'కేథార్ నాథ్' చిత్రం తో ఎంట్రీ ఇచ్చింది సారా. ఇటీవల 'సింబా' చిత్రంతో మంచి హిట్ ను అందుకుంది.