సప్తగిరి ఎక్స్ ప్రెస్ ఆడియో రిలీజ్ చేసిన పవన్ కళ్యాణ్

శ్రీ సాయి సెల్యులాయిడ్ పతాకం పై మాస్టర్ హోమియోపతి అధినేత డాక్టర్ రవి కిరణ్ నిర్మించిన సినిమా ‘సప్తగిరి ఎక్స్ ప్రెస్’. టాలీవుడ్ స్టార్ కమెడీయన్ సప్తగిరి ఈ చిత్రంతో హీరోగా ఎంట్రీ ఇవ్వబోతున్నారు. త్రివిక్రమ్ శిష్యుడు అరుణ్ పవార్ ఈ సినిమాకు దర్శకత్వం వహించారు. ఈ సినిమాతో విజయ్ బుల్గానిన్ సంగీత దర్శకుడిగా పరిచయం అవుతున్నారు. కన్నడ భామ రోషిని ప్రకాష్ ఈ చిత్రంతో తెలుగు చిత్ర పరిశ్రమలోకి అడుగుపెడుతున్నారు. ఇప్పటికే మోషన్ పోస్టర్, డైలాగ్ టీజర్స్ తో ప్రేక్షకుల్లో ఆసక్తి రేకెత్తించిన సప్తగిరి ఎక్స్ ప్రెస్ చిత్ర బృందం తాజాగా ఆడియో రిలీజ్ వేడుకను అంగరంగ వైభవంగా నిర్వహించారు. పవర్ ల్టార్ పవన్ కళ్యాణ్ చేతుల మీదుగా ఈ ఆడియో విడుదల జరిగింది.

సప్తగిరి ఎక్స్ ప్రెస్ సినిమా ఆడియో వేడుకకు ముఖ్య అతిధిగా పవన్ కళ్యాణ్ హాజరుకాగా నిర్మాత సింధూర పువ్వు కృష్ణారెడ్డి, శరత్ మారర్, హీరోలు సునీల్, నాగ అన్వేష్, డైరెక్టర్ మారుతి, నటీనటలు ఆలీ, శివప్రసాద్, హేమ తదితరలు ఈ ఫంక్షన్ కు అతిధులుగా విచ్చేశారు. పవర్ స్టార్ పవన్ కళ్యాణ్ ఈ ఫంక్షన్ కు ముఖ్య అతిధిగా హాజరై, సప్తగిరి ఎక్స్ ప్రెస్ ఆడియో సీడిని విడుదల చేశారు. అలానే తొలి కాపీ పై తన సంతకం చేసి హీరో సప్తగిరికి అందజేశారు. దీంతో అభిమానులు కోసం లహరి మ్యూజిక్ వారు పవన్ సంతకంతో ఉన్న ఆడియో సిడీలను విడుదల చేస్తున్నారు.

ఈ సందర్భంగా పవన్ కళ్యాణ్ మాట్లాడుతూ.. తాను సినిమాలు పెద్దగా చూడనని, కానీ సప్తగిరి ఎక్స్ ప్రెస్ టీజర్, ట్రైలర్స్ చూశాక తనకు ఈ చిత్రాన్ని చూడాలనిపిస్తోందని, ప్రొడ్యూసర్ రవికిరణ్ గారిని అడిగి కచ్ఛితంగా ఈ చిత్రాన్ని తిలకిస్తానని అన్నారు. సప్తగిరి గారు చేసే కామెడీ తనకు బాగా నచ్చుతుందని, ఇప్పుడు హీరోగా కూడా సప్తగిరి ప్రేక్షకుల్ని అలరిస్తారని మనస్పూర్తిగా ఆశిస్తున్నట్లు పవన్ తెలిపారు. ఇక విజయ్ బుల్గానిన్ అందించిన సంగీతం తనను ఎంతగానో ఆకట్టుకుందని, త్రివిక్రమ్ శిష్యుడిగా అరుణ్ తనకు ఎప్పటినుంచో తెలుసునని, ఇప్పుడు ఈ సినిమాతో అరుణ్ దర్శకుడిగా విజయం సాధించాలని, అలానే సప్తగిరి ఎక్స్ ప్రెస్ కూడా పెద్ద ఎత్తున సక్సెస్ అందుకోవాలని కోరుకుంటున్నట్లుగా పవన్ తెలిపారు.ఇక త్వరలో విడుదల కాబోతున్న ఈ సినిమాకు కో ప్రొడ్యూసర్ : డాక్టర్ వాణి రవికరిణ్, సినిమాటోగ్రాఫర్ : సి.రామ్ ప్రసాద్, ఎడిటిర్ : గౌతంరాజు, ఫైట్స్ : స్టంట్స్ జాషువా, క్రియేటివ్ హెడ్ : గోపాల్ అమిరశెట్టి, మాటలు : రాజశేఖర్ రెడ్డి పులిచర్ల