సముద్రఖని 'విమానం' ఎమోషనల్ ప్రోమో.. రిలీజ్ డేట్ ఫిక్స్

విలక్షణ నటుడిగా, దర్శకుడిగా సముద్రఖని సౌత్ లో తనదైన ముద్ర వేస్తున్నారు. సముద్రఖని క్యారెక్టర్ ఆర్టిస్ట్ గా, విలన్ గా రాణిస్తూనే పవర్ స్టార్  పవన్ కళ్యాణ్ లాంటి స్టార్స్ తో చిత్రాలు తెరకెక్కిస్తున్నారు. తాజాగా సముద్రఖని విమానం అనే ఎమోషనల్ చిత్రంలో నటిస్తున్నారు. 

తాజాగా ఈ చిత్ర రిలీజ్ డేట్ ప్రకటిస్తూ ఎమోషనల్ ప్రోమో రిలీజ్ చేశారు.విమానం చిత్రం తెలుగు తమిళ భాషల్లో జూన్ 9న రిలీజ్ కి రెడీ అవుతోంది. విమానం సినిమాలో స‌ముద్ర ఖని అంగ వైక‌ల్యంతో బాధ‌ప‌డే మ‌ధ్య వ‌య‌స్కుడిగా, భార్య లేక‌పోయినా పిల్లాడిని  జాగ్ర‌త్త‌గా చూసుకునే వీర‌య్య అనే తండ్రి పాత్ర‌లో న‌టించారు.  జీ స్టూడియోస్‌, కిర‌ణ్‌ కొర్ర‌పాటి క్రియేటివ్ వ‌ర్క్స్ బ్యాన‌ర్స్ సినిమా రూపొందుతోంది. శివ ప్ర‌సాద్ యానాల ద‌ర్శ‌క‌త్వం వ‌హిస్తున్నారు. 

విమానం ప్రోమోను మేక‌ర్స్ శుక్ర‌వారం విడుద‌ల చేశారు. ప్రోమోను గ‌మ‌నిస్తే.. అందులో తండ్రీ కొడుకుల మ‌ధ్య అనుబంధం క‌నిపిస్తుంది. రాజు అనే అనే అబ్బాయి త‌న తండ్రి పాత్ర‌లోని స‌ముద్ర ఖ‌నితో మాట్లాడుతూ.. ఓసారైనా త‌న‌ని విమానం ఎక్కించ‌మ‌ని అడుగుతుంటాడు. విమానం ఎక్కటానికి ఎందుకంత ఇష్టం నీకు అని అడిగితే పై నుంచి చూస్తే అన్నీ చిన్న‌గా క‌నిపిస్తాయ‌ని అంటాడు. అయితే బాగా చ‌దువుకుంటే పెద్ద‌య్యాక నువ్వే విమానం ఎక్కొచ్చ‌ని తండ్రి అంటాడు. ఇందులో సున్నితంగా, చ‌క్క‌గా తండ్రీ కొడుకుల మ‌ధ్య ఉన్న భావోద్వేగాల‌ను ప్రోమోలో చ‌క్క‌గా ఎలివేట్ చేశారు రైట‌ర్, డైరెక్ట‌ర్ శివ ప్ర‌సాద్ యానాల‌. 

ఈ సందర్భంగా జీ స్టూడియోస్‌ సౌత్ మూవీస్ హెడ్ అక్ష‌య్ క్రేజీవాల్ మాట్లాడుతూ ‘కిరణ్ కొర్రపాటి క్రియేటివ్ వర్క్స్‌తో అసోసియేట్ కావ‌టం చాలా సంతోషంగా ఉంది. మా కాంబోలో మంచి న‌టీన‌టులు, టెక్నీషియ‌న్స్ టీమ్‌గా ఏర్పడి భావోద్వేగాల క‌ల‌బోత‌గా బ‌ల‌మైన క‌థాంశంతో రూపొందిన విమానం ప్రేక్ష‌కుల‌ను మెప్పిస్తుంది.