అలియాభట్‌కి ఫిదా అయిన సమంత.. మాటలు లేవంటూ ఇంట్రెస్టింగ్‌ పోస్ట్

స్టార్‌ హీరోయిన్‌ సమంత.. తాజాగా అలియాభట్‌కి ఫిదా అయ్యింది. `గంగూబాయి` సినిమా చూసి ఆమెని అభినందించకుండా ఉండలేకపోయింది. తన ఇన్‌స్టా స్టోరీస్‌లో అప్రిషియేట్‌ చేస్తూ పోస్ట్ పంచుకుంది.

సమంత(Samantha) బాలీవుడ్‌పై ఫోకస్‌ పెట్టింది. ఆమె నటించిన `ది ఫ్యామిలీ మ్యాన్‌ 2` వెబ్‌ సిరీస్‌ బాలీవుడ్‌లో మంచి పేరుని, గుర్తింపుని తీసుకొచ్చింది. ప్రస్తుతం అక్కడి నుంచి తనకు ఆఫర్స్ కూడా వస్తున్నాయి. ఈ నేపథ్యంలో టాలీవుడ్‌తోపాటు బాలీవుడ్‌లోనూ రాణించాలనే ప్రయత్నం చేస్తున్నట్టు కనిపిస్తుంది. హిందీ చిత్రాలపై స్పందిస్తుంది. అందులో భాగంగా ప్రస్తుతం సమంత.. `ఆర్‌ఆర్‌ఆర్‌` హీరోయిన్‌ అలియాభట్‌(Alia Bhatt)పై ప్రశంసలు కురిపించింది. ఆమె నటనని అప్రిషియేట్‌ చేయడానికి మాటలు రావడం లేదని తెలిపింది. 

అలియాభట్‌ నటించిన లేడీ ఓరియెంటెడ్‌ చిత్రం `గంగూబాయిః కఠియవాడి`(Gangubai Movie) ఫిబ్రవరి 25న విడుదలైన విషయం తెలిసిందే. ఈ సినిమాకి క్రిటిక్స్ నుంచి ప్రశంసలందుతున్నాయి. ఆడియెన్స్ కూడా బాగా ఆదరిస్తున్నారు. తొలి రోజు ఈ చిత్రం పదికోట్లు వసూలు చేసింది. రోజు రోజుకి మరింతగా పుంజుకుంటూ దూసుకుపోతుంది. కరోనా కారణంగా సినిమాలను జనం ఆదరిస్తారా? అనే భయాందోళన నడుమ విడుదలైన `గంగూబాయి` మంచి ఆదరణతో దూసుకుపోతుంది. థియేటర్లలో క్రౌడ్‌ ఫుల్లింగ్‌గా నిలుస్తుంది. ఓ రకంగా బాలీవుడ్‌కి ధైర్యాన్నిచ్చింది. 

మరోవైపు ఈ చిత్రంలో గంగూబాయిగా Alia Bhatt నటన ప్రశంసలందుకుంటుంది. వేశ్యగా ఆలియా నటన అద్భుతంగా ఉందంటూ బాలీవుడ్‌ మీడియా అభినందిస్తుంది.  తాజాగా సమంత స్పందించింది. ఆమె నటనని ప్రశంసించింది. ``గంగూబాయిః కఠియావాడి` ఒక కళాఖండం. అలియా మీ నటన గురించి వివరించడానికి పదాలు సరిపోవడం లేదు. ప్రతీ ఒక్క డైలాగ్, హావాభావాలు నా మదిలో ఎప్పటికీ నిలిచిపోతాయి` అంటూ తన ఇన్‌స్టా స్టోరీస్‌లో పేర్కొంది సమంత. తాజాగా సమంత స్టోరీ ఇప్పుడు సోషల్‌ మీడియాలో వైరల్‌ అవుతుంది. 

బాలీవుడ్‌లో అద్భుతమైన కళాఖండాలు తెరకెక్కించే సంజయ్‌లీలా భన్సాలీ రూపొందించిన `గంగూబాయిః కఠియవాడి` చిత్రంలో టైటిల్‌ రోల్‌ అలియాభట్‌ చేయగా, అజయ్‌ దేవగన్‌, ఇమ్రాన్‌ యాష్కి, హ్యూమా ఖురేషి కీలక పాత్రలు పోషించారు. ముంబయి మాఫియా క్వీన్‌ గంగూబాయి జీవితం ఆధారంగా ఈ చిత్రాన్ని తెరకెక్కించారు. ఇదిలా ఉంటే సమంత సైతం వరుస సినిమాలతో బిజీగా ఉంది. ఆమె తెలుగులో `శాకుంతలం`, `యశోద` చిత్రాలు చేస్తుంది. మరోవైపు డ్రీమ్‌ వారియర్స్ ప్రొడక్షన్‌లోనూ ఓ సినిమా చేయనుంది. ఓ ఇంటర్నేషనల్‌ మూవీ చేయనుంది. బాలీవుడ్‌లోనూ సినిమాలు చేయబోతుందని టాక్‌.