తమిళ దర్శకుడు ఏఎల్ విజయ్ ని నటి సాయి పల్లవి పెళ్లి చేసుకోబోతున్నట్లు కొద్దిరోజులుగా వార్తలు వినిపిస్తున్నాయి.
తమిళ దర్శకుడు ఏఎల్ విజయ్ ని నటి సాయి పల్లవి పెళ్లి చేసుకోబోతున్నట్లు కొద్దిరోజులుగా వార్తలు వినిపిస్తున్నాయి. ఇది వరకే పెళ్లై, విడాకులు తీసుకున్న వ్యక్తిని సాయి పల్లవి
పెళ్లి చేసుకోవడం అనేది హాట్ టాపిక్ గా మారింది.
అయితే ఈ వార్తలపై సాయి పల్లవి సీరియస్ గా ఉన్నట్లు తెలుస్తోంది. తన పెళ్లిపై వస్తోన్న వార్తల్లో నిజం లేదని కొట్టిపారేసింది. దర్శకుడు విజయ్ కూడా సాయి పల్లవితో పెళ్లి వార్తలు నిజం కావని తేల్చేశారు. ఇప్పటివరకు ఈ విషయాన్ని పట్టించుకోని సాయి పల్లవి ఈసారి మాత్రం సీరియస్ గా తీసుకుంది.
పాపులారిటీవచ్చినప్పటి నుండి తనపై రకరకాల వదంతులు పుట్టిస్తూనే ఉన్నారని, ఏ ఉద్దేశంతో ఇలా చేస్తున్నారో అర్ధం కావడం లేదని, ఇకనైనా వదంతులు కట్టిపెట్టాలని ఆమె ఘాటుగా స్పందించింది.
గతేడాది విడుదలైన 'కణం' చిత్రంలో సాయి పల్లవి హీరోయిన్ గా నటించింది. ఈ చిత్రాన్ని విజయ్ డైరెక్ట్ చేశారు. ఆ సినిమా సమయంలోనే ఇద్దరి మధ్య ప్రేమ కలిగిందని, అది పెళ్లి వరకు వెళ్లిందని కోలివుడ్ లో వార్తలు చక్కర్లు కొడుతున్నాయి.