'RRR'షాక్.. హీరోయిన్ ఔట్!

దర్శకధీరుడు ఎస్ఎస్ రాజమౌళి తెరకెక్కిస్తోన్న 'RRR' సినిమా ప్రస్తుతం షూటింగ్ దశలో ఉంది. ఎన్టీఆర్, రామ్ చరణ్ లు కలిసి నటిస్తోన్న ఈ సినిమాపై భారీ అంచనాలు ఏర్పడ్డాయి.

ఇటీవల జిమ్ లో రామ్ చరణ్ కి గాయం కావడంతో మూడు వారాల పాటు షూటింగ్ కి బ్రేక్ ఇచ్చారు. తాజాగా చిత్రబృందం నుండి మరో అప్డేట్ వచ్చింది. ఈ సినిమాలో హాలీవుడ్ హీరోయిన్ డైసీ ఎడ్గర్ జోన్స్ ని ఎంపిక చేసుకున్న సంగతి తెలిసిందే.

ఎన్టీఆర్ సరసన ఈ భామ కనిపిస్తుందని ప్రెస్ మీట్ లో రాజమౌళి వెల్లడించారు. కానీ ఇప్పుడు ఈమె ప్రాజెక్ట్ నుండి తప్పుకున్నట్లు తెలుస్తోంది. ఇదే విషయాన్ని చిత్రయూనిట్ అధికారికంగా ప్రకటించింది.

''కొన్ని అనివార్య కారణాల వలన డైసీ ఎడ్గర్ జోన్స్ ఈ సినిమాలో నటించడం లేదు. ఆమెకి మంచి భవిష్యత్తు ఉండాలని కోరుకుంటున్నాం'' అంటూ RRR టీం ట్వీట్ చేసింది. ఇప్పుడు ఎన్టీఆర్ కోసం మరో హీరోయిన్ ని వెతికే పనిలో పడ్డారు.