షాపింగ్ మాల్లో హీరోయిన్ని కాపాడిన విలన్.. ఏం జరిగింది ?
సారాంశం
హీరోహీరోయిన్ల మధ్య ప్రేమకి ఇలాంటి సన్నివేశాలే ప్రధాన భూమిక పోషిస్తాయి. రియల్ లైఫ్లో ఇలాంటి సంఘటన చోటు చేసుకుంది. అయితే ఇందులో హీరోయిన్ కాపాడింది హీరో కాదు, విలన్ కావడం విశేషం. మరి ఆ సంగతులేంటో ఓ సారిచూస్తే..
సినిమాల్లో హీరోయిన్ని హీరో కాపాడతాడు. హీరోయిన్ని కొందరు ఆకతాయిలు ఆటపట్టించడం, వేధింపులకు గురి చేస్తుంటే, దాన్ని హీరో గమనించి వారి నుంచి ఆ హీరోయిన్ని రక్షిస్తాడు. సినిమాల్లో ఈ సన్నివేశాలే ఎక్కువగా కనిపిస్తాయి. హీరోహీరోయిన్ల మధ్య ప్రేమకి ఇలాంటి సన్నివేశాలే ప్రధాన భూమిక పోషిస్తాయి. రియల్ లైఫ్లో ఇలాంటి సంఘటన చోటు చేసుకుంది. అయితే ఇందులో హీరోయిన్ కాపాడింది హీరో కాదు, విలన్ కావడం విశేషం. మరి ఆ సంగతులేంటో ఓ సారిచూస్తే..
తమిళంలో లింక్ క్రియేషన్స్ పతాకంపై హేమవతి ఆర్ `ఓట్టం` అనే చిత్రాన్ని నిర్మిస్తుంది. సస్పెన్స్ థ్రిల్లర్గా ఇది రూపొందుతుంది. సినిమాతో ప్రముఖ దర్శకుడు దర్శకుడు రామనారాయణన్ శిష్యుడు ఎన్.మురుగన్ దర్శకుడిగా పరిచయం అవుతున్నారు. ఈ సినిమాతో సంగీత దర్శకుడు ప్రదీప్ వర్మ హీరోగా పరిచయం అవుతున్నారు. అలాగే ఆయనకు జోడిగా బెంగుళూర్ మోడల్ ఐశ్వర్య సందోషి ఓ హీరోయిన్గా, కేరళాకి చెందిన అనుశ్రేయ మరో హీరోయిన్గా నటిస్తుంది. ఇందులో రవిశంకర్ విలన్ పాత్ర పోషిస్తున్నారు.
హీరోయిన్ సందోషి ఈ సినిమాలోని పాటల సన్నివేశాల కోసం డ్రెస్ కొనుగోలు చేసేందుకు బెంగుళూరులోని ఓ పెద్ద షాపింగ్ మాల్కి వెళ్లింది. ఆమెతోపాటు అదే షాపింగ్ మాల్కి విలన్ పాత్రదారి రవిశంకర్ కూడా వచ్చాడు. అయితే షాపింగ్ మాల్లో కొందరు సందోషిని ఆటపట్టించడంతోపాటు వేధింపులకు గురి చేశారు. ఇది గమనించిన రవిశంకర్ ఆ పోకిరి బ్యాచ్కి వాయించేశాడు. అక్కడి నుంచి వెళ్లకపోతే పోలీసులకు ఫోన్ చేస్తానని బెదిరించడంతో వారంతా పారిపోయారు. దీంతో ఆ హీరోయిన్ ఊపిరి పీల్చుకుంది. ఇలా రీల్ విలన్, రియల్ లైఫ్లో హీరో అయ్యాడు. ఆయన్ని ఆ చిత్రం బృందం అభినందించడం విశేషం.