చాలాకాలం తర్వాత రవితేజ మళ్ళీ కన్పించాడు

రవితేజ ఏం చేస్తున్నాడు అన్న ప్రశ్న టాలీవుడ్‌లో కోడైకూసింది. బెంగాల్ టైగ‌ర్ మూవీ త‌ర్వాత చాలా గ్యాప్ తీసుకున్న ర‌వితేజ‌  టచ్‌ చేసి చూడు సినిమా ఫ‌స్ట్ లుక్ తో మళ్ళి వెలుగులోకి వ‌చ్చిన ర‌వితేజ‌

ఆ మధ్య ఓ సినిమా కోసం 'సిక్స్‌ ప్యాక్‌ ఫిజిక్‌' ట్రై చేసి, ఆ కారణంగా ఆరోగ్య సమస్యలు తలెత్తితే, రెస్ట్‌ తీసుకోవడం కోసమే ఈ 'గ్యాప్‌' అనే ప్రచారమూ తెరపైకొచ్చింది. ఎలాగైతేనేం, చాలాకాలం తర్వాత రవితేజ మళ్ళీ కన్పించాడు. అదీ 'టచ్‌ చేసి చూడు' అంటూ. అవును, ఇది రవితేజ కొత్త సినిమా టైటిల్‌. కొత్త దర్శకుడు విక్రమ్‌ సిరికొండ ఈ చిత్రంతో దర్శకుడిగా పరిచయమవుతున్నాడు.

రవితేజ మార్క్‌ మాస్‌ స్టయిల్‌లో స్టిల్‌ని రిలీజ్‌ చేసింది 'టచ్‌ చేసి చూడు' చిత్ర యూనిట్‌. రేపు రవితేజ పుట్టినరోజు సందర్భంగా ఆయనకు శుభాకాంక్షలు చెబుతూ, ఫస్ట్‌ లుక్‌ని టైటిల్‌తోపాటు విడుదల చేసేశారు. ఈ చిత్రాన్ని నల్లమలుపు శ్రీనివాస్‌ (బుజ్జి), వల్లభనేని వంశీ నిర్మిస్తున్నారు. వక్కంతం వంశీ కథ అందించిన ఈ చిత్రానికి సంగీతం ప్రీతమ్స్‌. 'బెంగాల్‌ టైగర్‌' తర్వాత మరోమారు రవితేజతో 'టచ్‌ చేసి చూడు' సినిమాలో కన్పించబోతోంది ముద్దుగుమ్మ రాశి ఖన్నా.