దీపిక - రణ్ వీర్ వెడ్డింగ్..అసలైన పార్టీ ఎప్పుడంటే!

మొన్నటివరకు బాలీవుడ్ స్టార్ లవర్స్ గా పిలవబడిన దీపిక పదుకొనె - రణ్ వీర్ సింగ్ ఇప్పుడు బ్యూటిఫుల్ కపుల్స్ గా మారారు. రోజుకో వేడుకతో హ్యాపీగా ఎంజాయ్ చేస్తున్నారు. విదేశాల్లో పెళ్లి చేసుకొని రీసెంట్ గా ఈ కపుల్స్ ముంబై చేరుకున్న సంగతి తెలిసిందే. సంప్రదాయాల ప్రకారం మరిన్ని వేడుకలను ఇంట్లో సెలబ్రేట్ చేసుకుంటున్నారు. 

ఇక  బెంగుళూరులో గ్రాండ్ గా రిసిప్షన్ జరగనుంది.  బుధవారం రోజు జరగనున్న ఈ వేడుకకు పెళ్లికి హాజరుకాలేకపోయిన ప్రముఖ నటీనటులు సన్నిహితులు అలాగే ఇతర ప్రముఖులు హాజరయ్యే అవకాశం ఉంది. ఈ రోజు బెంగుళూరుకు వచ్చిన దీపిక రణ్వీర్ ను చూడటానికి అభిమానులు ఒక్కసారిగా ఎగబడ్డారు. 

ఇటలీలోని ప్రముఖ లేక్ కోమోలో ఈ జంట ఇరు కుటుంబాల ఆచారాలను గౌరవించి రెండు సార్లు పెళ్లి బంధంతో ఒకటయ్యారు. కొంకణి - సింధు సంప్రదాయాల్లో పెళ్లి చేసుకున్న సంగతి తెలిసిందే. ఇక త్వరలోనే ముంబైలో కూడా ఈ బాలీవుడ్ జంట మరో పార్టీని నిర్వహించే ఆలోచనలో ఉన్నట్లు తెలుస్తోంది. ఇప్పట్లో అయితే ఈ వెడ్డింగ్ సెలబ్రేషన్ ఆగేలా లేవు అని టాక్.