Virataparvam trailer: నటవిశ్వరూపం చూపించిన రానా, సాయిపల్లవి, విరాటపర్వం ట్రైయిలర్ రిలీజ్

ఫ్యాన్స్ ఎప్పుడెప్పుడా అని ఎదురు చూస్తున్న టైమ్ రానే వచ్చింది. మూడేళ్లకు పైగా నిరీక్షించి విరాటపర్వం మూవీ రిలీజ్ కాబోతోంది. ఈ మూవీ నుంచి ఇంట్రెస్టింగ్ ట్రైలర్ ను రిలీజ్ చేశారు టీమ్. 

రానా హీరోగా, సాయి పల్లవి హీరోయిన్ గా, ప్రియమణి ముఖ్యపాత్రలో వేణు ఉడుగుల దర్శకత్వంలో తెరకెక్కిన సినిమా విరాటపర్వం. దాదాపు మూడేళ్ల నిరీక్షణ తరువాత జూన్ 17న ఈ సినిమా ప్రపంచ వ్యాప్తంగా  థియేటర్లలో రిలీజ్ అవ్వబోతోంది. ఇందులో రానా, ప్రియమణి నక్సలైట్ గా కనిపించబోతున్నారు. పోస్టర్స్ .. స్పెషల్  వీడియోస్ తో సందడి చేస్తున్న ఈసినమా నుంచి సాలిడ్ ట్రైలర్ ను రిలీజ్ చేశారు టీమ్. ఈ ట్రైలర్ లో నట విశ్వరూపంచూపించారు ఇద్దరు. 

ఇక రీసెంట్ గా  డైరెక్టర్ వేణు, హీరో  రానా ఈ సినిమాలో సాయి పల్లవి మెయిన్ లీడ్ అని, సాయి పల్లవి విశ్వరూపం చూస్తారని సాయి పల్లవి గురించి ఓ రేంజ్ లో చెప్పారు.తాజాగా ఈ సినిమా ట్రైలర్ రిలీజ్ అవ్వగా వాళ్ళు చెప్పింది కరక్టే అనిపిస్తుంది. సాయి పల్లవి అద్భుతమైన నటనతో ఆకట్టుకుంది. ఈ ట్రైలర్ లో రానా భావాలు, అతను రాసిన పుస్తకాలు నచ్చి అతన్ని ప్రేమిస్తుంది. అతన్ని కలవడానికి ఇల్లు వదిలి వెళ్తుంది. నక్సలైట్ లతో సంబంధాలు ఉన్నాయని ఆమెని పోలీసులు చిత్ర హింసలు పెడతారు. చివరికి రానాకి తన ప్రేమ అర్థమయ్యేలా చెప్పి సాయి పల్లవి కూడా నక్సలైట్ గా మారుతుంది.  

పుస్తకం రాశినోడును చూడాలనుందంటూ అమ్మవారి దగ్గర మొద పెట్టుకుంటుంది హీరోయిన్‌. అలా అడిగిందో రవన్న దళం ఊర్లో దిగుతుంది. అందులో లీడర్‌ రానాను చూసి మురిసిపోయింది సాయి. అంతేకాదు, ప్రేమ కోసం, ప్రేమించిన వ్యక్తిని పొందడం కోసం తాను కూడా నక్సలైట్‌గా మారుతుంది. కానీ ప్రజాసేవలో మునిగిపోయిన హీరోకు ప్రేమ అంటే గిట్టనట్లే కనిపిస్తున్నాడు. మరి అతడు వెన్నెల ప్రేమను అర్థం చేసుకుంటాడా? వీరి ప్రేమ ఏ తీరాన్ని చేరిందనేది ఆసక్తికరంగా మారింది. నీ రాతల్లో నేను లేకపోవచ్చు కానీ నీ తలరాతలో మాత్రం కచ్చితంగా నేనే ఉన్నా, ఒక యుద్ధం ఎన్నో ప్రాణాలు తీస్తుంది, కానీ అదే యుద్ధం నాకు ప్రాణం పోసింది అన్న డైలాగ్స్‌ బాగున్నాయి. 

ఇలా సింపుల్ గా చెప్పినా..  ఆల్మోస్ట్ సగం కథని ట్రైలర్ లోనే చూపించారు మేకర్స్. అయితే కథ మొత్తం సాయి పల్లవి కోణంలోంచి ఉండబోతుందని ఈ ట్రైలర్ చూస్తే తెలుస్తోంది.   పుట్టినప్పుడు అమ్మ కడుపులోనుంచే లాంటి అద్భఉతమైన డైలాగ్స్ పేలాయి ట్రైలర్ లో  వీటితో పాటు ప్రేమ గురించి, యుద్ధం గురించి చాలా డైలాగ్స్ ఉన్నట్టు తెలుస్తుంది.  ఇక ట్రైలర్ లోనే సాయిపల్లవి నట విశ్వరూపం చూపించింది. రానా, ప్రియమణి, నవీన్ చంద్ర కూడా నక్సలైట్స్ గా అదరగొట్టారు. ట్రైలర్ తో ఈ సినిమాపై మరిన్ని అంచనాలు పెంచారు.