చిరంజీవి సినిమాలో రానా దగ్గుబాటి నటిస్తున్నారని ఆ మధ్య వార్తలు వచ్చాయి. అయితే తాజాగా ఆయన ఈ మూవీ నుంచి తప్పుకున్నారట. దీంతో బాలీవుడ్ నటుడిని దించినట్టు సమాచారం.
మెగాస్టార్ చిరంజీవి `భోళా శంకర్` వంటి డిజాస్టర్ తర్వాత ఇప్పుడు మరో ప్రయోగాత్మక సినిమా చేస్తున్నారు. `బింబిసార` దర్శకుడు వశిష్ట దర్శకత్వంలో ఓ మూవీ చేస్తున్నారు. ఈ సినిమా ఆ మధ్య ప్రారంభోత్సవం జరుపుకుంది. ఇప్పటికే చిత్రీకరణ కూడా స్టార్ట్ చేశారు. ఓ షెడ్యూల్ కూడా పూర్తయినట్టు తెలుస్తుంది. ఇదిలా ఉంటే ఈ మూవీ నుంచి ఓ ఇంట్రెస్టింగ్ అప్డేట్ సోషల్ మీడియాలో వినిపిస్తుంది. ఈ మూవీలో రానా కీలక పాత్రలో నటిస్తున్నారనే వార్తలు వచ్చాయి. ఆయన విలన్గా కనిపిస్తారని అన్నారు.
కానీ లేటెస్ట్ సమాచారం మేరకు.. ఈ మూవీ నుంచి రానా తప్పుకున్నారట. డేట్స్ ఇష్యూ వల్ల సినిమా చేయలేకపోతున్నట్టు తెలుస్తుంది. దీంతో రానా స్థానంలో మరో నటుడిని వెతికారు మేకర్స్. బాలీవుడ్ నుంచి ఇంపోర్ట్ చేసుకుంటున్నారు. బాలీవుడ్లో విలన్ పాత్రలతో, విలక్షణ పాత్రలతో మెప్పిస్తున్నారు. కునల్ కపూర్. తాజాగా ఆయన్ని చిరంజీవి సినిమా కోసం ఎంపిక చేశారట. అంతేకాదు ఏకంగా సెట్లోకి కూడా అడుగు పెట్టినట్టు సమాచారం.
ప్రస్తుతం హైదరాబాద్లో ఈ మూవీ చిత్రీకరణ జరుగుతుందని, ఇందులో కునల్ పాల్గొంటున్నట్టు తెలుస్తుంది. ఆయనపై పలు కీలక సన్నివేశాలను తెరకెక్కిస్తున్నారట దర్శకుడు వశిష్ట. ఇదిలా ఉంటే చిరంజీవి త్వరలోనే ఈ మూవీ సెట్లోకి అడుగుపెడతాడని తెలుస్తుంది. ప్రస్తుతం ఆయన లేని సీన్లు షూట్ చేస్తున్నారట. మరి ఆయన ఎప్పుడు ఎంటర్ అవుతాడనేది ఆసక్తికరంగా మారింది. ఇక ఈ చిత్రంలో హీరోయిన్గా త్రిష ఫైనల్ అయ్యింది. ఆమెతోపాటు మరో ఇద్దరు హీరోయిన్లకి స్కోప్ ఉందని, గ్లామర్కి కొదవ లేదని అంటున్నారు.
చిరంజీవి నటిస్తున్న ఈ చిత్రానికి `విశ్వంభర` అనే టైటిల్ వినిపిస్తుంది. ఆల్మోస్ట్ మేకర్స్ కన్ఫమ్ చేశారట. సోషియో ఫాంటసీగా సినిమా రూపొందుతుందని, ప్రస్తుత అంశాలు కూడా ఉండబోతున్నాయని అంటున్నారు. ఇందులో చిరంజీవి భీమవరం దొరకబాబుగా కనిపిస్తాడట. మరి ఆయనకు, ముళ్లోకాలకు సంబంధం ఏంటనేది ఈ సినిమాలో ఆసక్తికరం అని టాక్.