Bheemla Nayak: పవన్ కళ్యాణ్‌కి రానా స్ట్రాంగ్ వార్నింగ్‌ .. బర్త్ డే గిఫ్ట్
By Aithagoni Raju | First Published Dec 14, 2021, 4:47 PM ISTనేడు మంగళవారం(డిసెంబర్‌ 14) రానా పుట్టిన రోజు. ఈ సందర్బంగా `భీమ్లా నాయక్` నుంచి ఆయన పాత్రకి సంబంధించిన పవర్‌ఫుల్‌ వీడియో గ్లింప్‌ని షేర్‌ చేశారు.
పవన్ కళ్యాణ్(Pawan Kalyan), రానా(Rana) కలిసి నటిస్తున్న చిత్రం `భీమ్లా నాయక్`(Bheemla Nayak). సాగర్‌ కె చంద్ర దర్శకత్వంలో రూపొందుతున్న ఈ చిత్రాన్ని సితారా ఎంటర్‌టైన్‌మెంట్స్ పతాకంపై సూర్యదేవర నాగవంశీ నిర్మిస్తున్నారు. ఇందులో పవన్ కళ్యాణ్.. టైటిల్‌ రోల్‌ చేస్తుండగా, రానా.. డేనియర్‌ శేఖర్‌ అనే పాత్రలో కనిపించబోతున్నారు. వీరిద్దరి మధ్య ఈగో వల్ల తలెత్తిన సమస్యల నేపథ్యంలో ఈ సినిమా రూపొందుతుంది. ఇందులో పవన్.. ఎస్‌ఐ పాత్రలో కనిపించబోతున్నారు. ఆయన సస్పెండ్‌ అయిన ఎస్‌ఐగా కనిపిస్తారు.
ఇదిలా ఉంటే నేడు మంగళవారం(డిసెంబర్‌ 14) రానా పుట్టిన రోజు(Rana Birthday). ఈ సందర్బంగా `భీమ్లా నాయక్` నుంచి ఆయన పాత్రకి సంబంధించిన పవర్‌ఫుల్‌ వీడియో గ్లింప్‌ని షేర్‌ చేశారు. ఇందులో పవన్ కళ్యాణ్‌కి డేనియర్‌ శేఖర్‌గా రానా వార్నింగ్‌ ఇస్తున్న దృశ్యం ఆకట్టుకుంటుంది. ఇందులో.. `వాడు అరిస్తే భయపడతావా.. ఆడి కన్నా గట్టిగా అరవగలను.. ఎవడాడు, దీనమ్మ దిగొచ్చాడా.. అఫ్ట్రాల్‌ ఎస్ ఐ.. సస్పెండెడ్‌` అంటూ డేనియర్‌ శేఖర్‌గా రానా ఆవేశంగా చెప్పే డైలాగ్‌ ఆకట్టుకుంటుంది.
Latest Videos
undefined
`భీమ్లా నాయక్` చిత్రం చిత్రీకరణ ముగింపు దశకు చేరుకుంది. పవన్ కళ్యాణ్, రానా దగ్గుబాటి ల కాంబినేషన్ లో తెరకెక్కుతున్న ఈ చిత్రంలో నిత్య మీనన్, సంయుక్త మీనన్ నాయికలుగా నటిస్తున్నారు. ప్రముఖ నటులు రావు రమేష్, మురళీశర్మ, సముద్ర ఖని, రఘుబాబు, నర్రా శ్రీను , కాదంబరికిరణ్, చిట్టి, పమ్మి సాయి చిత్రంలోని ఇతర ప్రధాన పాత్రల్లో నటిస్తున్నారు. ఈ సినిమాకి త్రివిక్రమ్‌ మాటలు అందిస్తున్నారు. దర్శకత్వ పర్యవేక్షణ కూడా చేస్తున్నారు. ఈ సినిమాకి ఛాయాగ్రాహకుడు: రవి కె చంద్రన్ ISC, సంగీతం: తమన్.ఎస్, ఎడిటర్: నవీన్ నూలి, ఆర్ట్ : ఏ.ఎస్.ప్రకాష్.
ఇదిలా ఉంటే ఈ సినిమా మలయాళంలో సక్సెస్‌ అయిన `అయ్యప్పనుమ్‌ కోషియుమ్‌` చిత్రానికి రీమేక్‌ అనే విసయం తెలిసిందే. ఆల్మోస్ట్ చివరి దశకు చేరుకున్న ఈ చిత్రాన్ని సంక్రాంతికి విడుదల చేయబోతున్నారు. సంక్రాంతి కానుకగా జనవరి 12న రిలీజ్ చేయబోతున్నారు. అయితే `ఆర్‌ఆర్‌ఆర్‌`, `రాధేశ్యామ్‌` వంటి ప్యాన్‌ ఇండియా చిత్రాలున్న నేపథ్యంలో `భీమ్లా నాయక్` వాయిదా పడుతుందని అంటున్నారు. కానీ చిత్ర బృందం మాత్రం మరోసారి రిలీజ్ డేట్‌ని కన్ఫమ్‌ చేసింది.
also read: Virata Parvam: విరాటపర్వం రిలీజ్ ఇప్పట్లో లేనట్టే... ఎం చెప్పారంటే..?
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి