రమ్యకృష్ణకు తలపొగరా..?

ప్రముఖ సినీ నటి తలపొగరుతో ప్రవర్తిస్తుందా..? అంటే అవుననే అంటోంది 'దేవ్' సినిమా చిత్రబృందం. ఇప్పటివరకు కొన్ని సినిమాల్లో పొగరుగా కనిపించిన రమ్యకృష్ణ ఈసారి మరింతగా రెచ్చిపోనుందని అంటున్నారు. కార్తి హీరోగా నటిస్తోన్న ఈ సినిమాలో రకుల్ ప్రీత్ సింగ్ హీరోయిన్ గా నటిస్తోంది.

రకుల్ తల్లి పాత్రలో రమ్యకృష్ణ కనిపించనుంది. ఈ సినిమాలో ఆమె సింగిల్ మదర్ గా కనిపించనుంది. భర్తకు దూరంగా ఉంటూనే కూతురిని కష్టపడి పెంచి, తన చుట్టూ ఓ సామ్రాజ్యాన్ని ఏర్పరచుకున్న మహిళగా ఆమె పాత్రను డిజైన్ చేశారట దర్శకుడు.

ఈ సినిమా కోసం కార్తి బరువు తగ్గి సరికొత్త లుక్ లో కనిపించబోతున్నాడు. ప్రకాష్ రాజ్.. హీరో తండ్రిగా నటించారు. సినిమాలో ప్రకాష్ రాజ్, రమ్యకృష్ణ కాంబినేషన్ సీన్లు ఆకట్టుకుంటాయని అంటున్నారు. హీరోకి అత్త పాత్రలు చేయడం రమ్యకృష్ణకి కొత్తేమీ కాదు.

మరి ఈ సినిమాలో ఆమె తలపొగరు అత్తగా ఎలా మెప్పిస్తుందో చూడాలి. రజత్ రవిశంకర్ డైరెక్ట్ చేసిన ఈ సినిమా ఫిబ్రవరి 14న ప్రేక్షకుల ముందుకు రానుంది!