ఈ ఏంజెల్ని మర్చిపోయానంటోన్న వర్మ.. అది కామ పిశాచి అంటోన్న నెజటిన్..
సారాంశం
దర్శకుడు రామ్గోపాల్ వర్మ చేసే ప్రతి పని, పెట్టే ప్రతి పోస్ట్ చర్చనీయాంశంగానే ఉంటాయి. తాజాగా ఇన్స్టాగ్రామ్లో ఓ ఫోటోని పంచుకున్నాడు వర్మ. ఇది వర్మ ఫేస్ని ఏంజెల్ లాగా మార్చిన పెయింటింగ్.
వివాదాస్పద, సంచలన దర్శకుడు రామ్గోపాల్ వర్మ ఏదే చేసినా డిఫరెంట్గా ఉంటుంది. దాన్ని కొందరు క్రియేటివిటీ అంటే, మరికొందరు పిచ్చి అంటుంటారు. మొత్తానికి ఆయన చేసే ప్రతి పని, పెట్టే ప్రతి పోస్ట్ చర్చనీయాంశంగానే ఉంటాయి. తాజాగా ఇన్స్టాగ్రామ్లో ఓ ఫోటోని పంచుకున్నాడు వర్మ. ఇది వర్మ ఫేస్ని ఏంజెల్ లాగా మార్చిన పెయింటింగ్.
ఇందులో వర్మ చెవులో పైకి లాగి, తలపై రెండు కొమ్ములు మాదిరిగా వేసిన పెయింటింగ్ ఫోటో. దీన్ని తన ఇన్స్టాలో వర్మ పంచుకుంటూ `ఈ ఎంజేల్ ఎవరో నేను మర్చిపోయా?` అంటూ కామెంట్ పెట్టాడు. ఇందులో తన పేరుతో ఉన్న యాష్ ట్యాగ్లతోపాటు `డెవిల్ఏంజెల్` అనే ఒక యాష్ ట్యాగ్ని కూడా పంచుకున్నాడు. దీనిపై నెటిజన్లు స్పందించి కామెంట్లు పెడుతున్నారు. `నువ్వు ఏంజెల్లాగే ఉంటావు. కానీ ఆ విషయం మర్చిపోయావ్`అంటూ కామెంట్ చేస్తున్నారు. మరికొందరు `దీన్ని కామ పిశాచి అంటారు. నీకు తెలియదా?` అని కామెంట్ చేస్తున్నారు. ప్రస్తుతం వర్మ ఫోటో మాత్రం సామాజిక మాధ్యమాల్లో వైరల్ గా మారింది.
ప్రస్తుతం వర్మ రూపొందించిన `దెయ్యం` సినిమా విడుదలకు రెడీ అవుతుంది. ఇందులో రాజశేఖర్, ప్రసన్న దంతులూరి ప్రధాన పాత్రల్లో నటిస్తున్నారు. ఈ సందర్భంగా ప్రసన్నతో కలిసి వర్మ దిగిన క్లోజ్డ్ ఫోటోలను సైతం ఆయన ఇన్స్టాలో పంచుకున్నారు. ఈ నెల 16న ఈ చిత్రాన్ని విడుదల చేయబోతున్నారు.