RRR:‘ఆర్.ఆర్.ఆర్’ఓటిటి వెర్షన్ ప్రత్యేకత తెలిస్తే మైండ్ బ్లాకే
By Surya Prakash | First Published Apr 5, 2022, 8:41 AM ISTసినిమా విడుదలై ఇప్పటి తొమ్మిది రోజులైనప్పటికీ.. కలెక్షన్స్ లో దూకుడును ఇంకా కొనసాగిస్తూనే ఉంది. ఈ నేపధ్యంలో ఈ చిత్రం ఓటిటి రిలీజ్ కోసం ఫ్యామిలీలు ఎదురుచూస్తున్నారు.
రాజమౌళి దర్శకత్వంలో రూపొందిన క్రేజీ మల్టీస్టారర్ ‘ఆర్.ఆర్.ఆర్’. యంగ్ టైగర్ యన్టీఆర్, మెగా పవర్ స్టార్ రామ్ చరణ్ హీరోలుగా నటించిన ఈ పాన్ ఇండియా చిత్రం మొదటి రోజు నుంచీ బ్లాక్ బస్టర్ టాక్ సొంతం చేసుకొని.. వరుసగా రికార్డుల్ని బద్దలు కొడుతూ దూసుకుపోతోన్న సంగతి తెలిసిందే. సినిమా విడుదలై ఇప్పటి తొమ్మిది రోజులైనప్పటికీ.. కలెక్షన్స్ లో దూకుడును ఇంకా కొనసాగిస్తూనే ఉంది. ఈ నేపధ్యంలో ఈ చిత్రం ఓటిటి రిలీజ్ కోసం ఫ్యామిలీలు ఎదురుచూస్తున్నారు. అయితే ఆల్రెడి థియోటర్స్ సినిమా చూసిన వాళ్లకు ఈ సినిమా ఓ కొత్త ఎక్సపీరియన్స్ ఇవ్వటానికి సన్నాహాలు చేస్తున్నట్లు సమాచారం. అదేమిటంటే..
ఈ చిత్రంలోని డిలేటెడ్ సీన్స్ ని ఓటిటి ద్వారా అందించబోతున్నారట. దాంతో థియోటర్స్ చూసిన వాళ్ళంతా మళ్లీ ఓటిటిలో చూసే అవకాసం ఉంది. సినిమా ఆల్రెడీ మూడు గంటలు లెంగ్త్ ఉండటంతో చాలా సీన్స్ ని ఎడిట్ చేసేసారట. ముఖ్యంగా ఎన్టీఆర్ కు మల్లి (చిన్నపిల్ల) కు మధ్య ఎమోషన్ సీన్, రామ్ చరణ్ కు అలియా భట్ కు మధ్య పాట..ఇలా చాలా చాలా ఉన్నాయట. ఇవన్నీ ఓటిటి వెర్షన్ లో వచ్చే అవకాసం ఉందంటున్నారు.
Latest Videos
ప్రపంచ వ్యాప్తంగా ఇప్పటికి రికార్డ్ స్థాయిలో రూ. 800 కోట్ల గ్రాస్ కలెక్ట్ చేసి ట్రేడ్ వర్గాల వారిని ఆశ్చర్యపరుస్తోంది. మరికొద్ది రోజుల పాటు ఇదే స్థాయిలో కలెక్షన్స్ కొనసాగితే.. రూ. 1000 కోట్లు రాబడుతుందని అంచనా వేస్తున్నారు. చాలా స్పీడుగా అతి తక్కువ టైమ్ లోనే .. అత్యధిక వసూళ్లను రాబట్టిన భారతీయ సినిమాగా 'ఆర్ ఆర్ ఆర్' ప్రశంసలు అందుకుంటోంది. కథాకథనాలు .. చిత్రీకరణ .. పాటలు .. భారీ సెట్స్ .. కాస్ట్యూమ్స్ ఈ సినిమాకి హైలైట్ గా నిలిచాయి. వసూళ్ల పరంగా ఈ సినిమా ఇంకా అదే దూకుడును మరికొన్ని వారాల పాటు కొనసాగిస్తుందని భావిస్తున్నారు.
ఉభయ తెలుగు రాష్ట్రాలతో పాటు బాలీవుడ్ లోనూ సరికొత్త రికార్డులు క్రియేట్ చేస్తున్న ఈ సినిమా మరో అరుదైన రికార్డు ను సొంతం చేసుకోవడం విశేషం. ‘ఆర్.ఆర్.ఆర్’ చిత్రం తాజాగా బుక్ మై షో లో ఆల్ ఇండియా రికార్డులన్నీ బద్దలు కొట్టి సరికొత్త రికార్డు ను సెట్ చేసింది. ఇప్పటి వరకూ 571 కె కి పైగా ‘ఆర్.ఆర్.ఆర్’ మూవీకి రేటింగ్ ఇవ్వడం విశేషం. ఏ సినిమాకైనా ఇదే హైయస్ట్ అని చెప్పాలి. 90 శాతం మంచి రేటింగ్ సాధించి ఈ సినిమా టాప్ లో దూసుకుపోతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి