పెళ్లి కోసం స్టార్ కొరియోగ్రాఫర్ ని వాడేస్తున్నారు!

రీసెంట్ గా బాలీవుడ్ స్టార్ హీరో హీరోయిన్ రణ్ వీర్ సింగ్ - దీపిక పదుకొనె సాంప్రదాయ పద్ధతుల్లో పెళ్లి చేసుకున్న సంగతి తెలిసిందే. ఇక ఇప్పుడు అందరి చూపు మరో స్టార్ కపుల్స్ పై పడింది. స్టార్ హీరోయిన్ ప్రియాంక చోప్రా - హాలీవుడ్ స్టార్ సింగర్ నిక్ జోనస్ మరికొన్ని రోజుల్లో పెళ్లి బంధంతో మరింత దగ్గరకానున్నారు. 

ఇకపోతే వీరి వెడ్డింగ్ సెలబ్రేషన్స్ కూడా ఆకాశాన్ని తాకేలా ఉన్నాయి. భారీగా ఖర్చు చేస్తున్నట్లు తెలుస్తోంది. ఈ నెల 28 -29న సంగీత్ - మెహందీ వేడుకలు జరగనున్నాయి. అయితే సంగీత్ కోసం ప్రియాంక ప్రముఖ బాలీవుడ్ కొరియోగ్రాఫర్ గణేష్ హెగ్డేను నియమించుకుంది. కుటుంబ సబ్యులకు అలాగే తనకు స్పెషల్ డ్యాన్స్ మూమెంట్స్ నేర్పించాలని ముందే మాట్లాడేసుకుంది.  

రణ్ వీర్ - దీపిక మాదిరిగానే ఈ జంట రెండు సార్లు వివాహం చేసుకోబోతున్నారు. జోధ్ పుర్ వేదికగా ప్రియాంక పంజాబీ స్టైల్ లో వివాహం చేసుకోనుంది. ఇక నిక్ అమెరికన్ క్రిస్టియన్ స్టైల్ లో గ్రాండ్ గా వివాహం చేసుకోవాలని ప్లాన్ చేసుకున్నాడు.