ప్రియా వారియర్ కి ఊహించని షాక్!

ఒక్క కన్నుగీటుతో ప్రపంచవ్యాప్తంగా క్రేజ్ సంపాదించుకుంది ప్రియా వారియర్. 'ఒరు అడార్ లవ్' సినిమాలోని మాణిక్య మలరాయ పాటలో ఒక సన్నివేశంలో కన్నుకొట్టి యూత్ మొత్తాన్ని తనవైపు తప్పుకుంది.

ఈ ఒక్క పాట ఆమెకి బాలీవుడ్ లో సైతం అవకాశాలు వచ్చేలా చేసింది. ఓ పక్క ప్రకటనల్లో మరో పక్క సినిమాలతో బిజీగా గడుపుతోంది ఈ బ్యూటీ. తాజాగా 'ఒరు అడార్ లవ్' సినిమాలో మరో పాటని విడుదల చేసింది చిత్రబృందం. ఈ పాట ప్రస్తుతం యూట్యూబ్ లో ట్రెండ్ అవుతోంది. ఇప్పటివరకు ఈ పాటను పది లక్షల మంది వీక్షించారు.

అయితే తక్కువ సమయంలోనే ఈ సినిమా ఎక్కువ డిస్ లైక్ లు సాధించి రికార్డ్ క్రియేట్ చేసింది. దాదాపు రెండు లక్షల మంది ఈ పాటను డిస్ లైక్ కొట్టారు. ప్రియకి సోషల్ మీడియాలో ఇంత వ్యతిరేకత ఎందుకు వస్తుందనే విషయం ఆమె అభిమానులకు మాత్రం అర్ధం కావడం లేదు. అసలు ఎందుకు ఇలా డిస్ లైక్ లు కొడుతున్నారంటూ సోషల్ మీడియాలో ప్రియా అభిమానులు ప్రశ్నిస్తారు.