ప్రభాస్‌ నటించిన `కల్కి 2898 ఏడీ` సినిమా కలెక్షన్ల పరంగా దుమ్మురేపుతుంది. ఇప్పటికే వెయ్యి కోట్లు దాటింది. కానీ అక్కడ మాత్రం ఇంకా బ్రేక్ ఈవెన్ కూడా కాలేదట.
ప్రభాస్‌ హీరోగా నటించిన `కల్కి 2898 ఏడీ` మూవీ కలెక్షన్ల సునామీ సృష్టిస్తుంది. ఈ ఏడాది బిగ్గెస్ట్ హిట్‌ మూవీగా నిలిచింది. ఈ సినిమా చాలా చోట్ల గత పాత రికార్డులన్నింటిని బ్రేక్ చేస్తుంది. ఓవర్సీస్‌లో `జవాన్‌` రికార్డులు బ్రేక్ చేసింది. అత్యధిక కలెక్షన్లు సాధించిన నాన్‌ `బాహుబలి 2` మూవీగా నిలిచింది. మరోవైపు హిందీలోనూ దుమ్మురేపుతుంది. సుమారు మూడు వందల కోట్లకు దగ్గరలో ఉంది. ఓవర్సీస్‌లో 250కోట్లు దాటింది. తెలుగు రాష్ట్రాల్లో ఇది 277కోట్లు వసూలు చేసినట్టు తెలుస్తుంది. ప్రపంచ వ్యాప్తంగా ఈ మూవీ వెయ్యి కోట్లు దాటింది. ఈలెక్కన సుమారు 507కోట్ల షేర్‌ సాధించింది.
ఈ సినిమాకి ప్రపంచ వ్యాప్తంగా 370 కోట్ల ముందస్తు థియేటర్‌ వ్యాపారం జరిగింది. ప్రస్తుతం లెక్కల ప్రకారం 135కోట్ల లాభాలు వచ్చినట్టు తెలుస్తుంది. తెలుగులో ఈ సినిమా 168కోట్ల బిజినెస్ చేసింది. 65 నైజాం, 101 ఏపీలో వ్యాపారం జరిగిందని సమాచారం. ప్రస్తుతం ఈ మూవీ 277కోట్ల కలెక్షన్లని రాబట్టింది. నెట్‌ 170కోట్ల వరకు ఉంటుందని సమాచారం. అయితే ఈ లెక్కన చూస్తే సినిమా బ్రేక్ ఈవెన్ అయ్యింది. కానీ ఏరియాల వైజ్‌గా చూస్తే ఈ మూవీ చాలా చోట్ల బ్రేక్ ఈవెన్ కాలేదట. సిటీ, అర్భన్‌ ఏరియాల్లో సినిమాకి జనం బ్రహ్మరథం పట్టారు. కానీ రూరల్‌ ఏరియాల్లో మాత్రం, అదే సమయంలో సింగిల్‌ థియేటర్లున్న చాలా చోట్ల ఇంకా బ్రేక్ ఈవెన్ కాలేదట. ప్రపంచం అంతా సినిమా బ్లాక్‌ బస్టర్‌ అంటున్నారు, కానీ మాకు ఇంకా డబ్బులు రాలేదని కొందరు బయ్యర్లు, ఎగ్జిబిటర్లు ఆవేదన వ్యక్తం చేస్తున్నారని ఇండస్ట్రీలో వినిపిస్తున్న మాట. మరి ఇందులో నిజమెంతా అనేది తెలియాల్సి ఉంది.
నిజానికి `కల్కి` ఏ, బీ సెంటర్లలో ఆడే సినిమా. సీ సెంటర్‌ ఆడియెన్స్ కి అంతగా ఎక్కదు. చూసేందుకు ఆసక్తి కూడా చూపించరు. ఈ సినిమా విషయంలో పెద్ద మైనస్‌ బీ సెంటర్ల విషయంలో జరిగిందని ట్రేడ్‌ వర్గాల సమాచారం. అలా కొందరు బయ్యర్లు ఇంకా కొన్న డబ్బులు రాలేదని ఆందోళన చెందుతున్నారట. అయితే ఇప్పట్లో పెద్ద సినిమాలేవి లేవు. మరో నెల రోజులపాటు సినిమాకి తిరుగులేదు. అప్పటి వరకు అయినా బ్రేక్ ఈవెన్ అవుతుందా? అనేది చూడాలి. అదే సమయంలో కొందరు దీనిపై నెగటివ్‌ ప్రచారం చేస్తున్నారనే వార్తలు కూడా వినిపిస్తున్నాయి. ముఖ్యంగా హిందీ క్రిటిక్స్ సినిమా ఫేక్‌ కలెక్షన్లు అంటూ ప్రచారం చేస్తున్నారని, దీనిపై `కల్కి` టీమ్‌ యాక్షన్‌ తీసుకుందని, 25కోట్ల పరువునష్టం దావా వేసినట్టు తెలుస్తుంది.
నాగ్‌ అశ్విన్‌ రూపొందించిన `కల్కి 2898 ఏడీ`లో ప్రభాస్‌, అమితాబ్‌ బచ్చన్‌, కమల్‌ హాసన్‌, దీపికా పదుకొనె, దిశా పటానీ, దుల్కర్‌ సల్మాన్‌, విజయ్‌ దేవరకొండ, మృణాల్‌ ఠాకూర్‌, బ్రహ్మానందం, రాజేంద్రప్రసాద్‌ కీలక పాత్రల్లో మెరిసిన విషయం తెలిసిందే. అశ్వినీదత్‌ నిర్మించిన ఈ చిత్రం జూన్‌ 27న ప్రపంచ వ్యాప్తంగా విడుదలైంది. వెయ్యి కోట్ల కలెక్షన్లని దాటి ఇంకా విజయవంతంగా రన్‌ అవుతుంది. సైన్స్ ఫిక్షన్‌కి మహాభారతం ఎలిమెంట్లు జోడించి నాగ్‌ అశ్విన్‌ చేసిన మ్యాజిక్‌ వెండితెరపై వర్కౌట్‌ అయి, ఈ స్థాయి విజయాన్ని సాధించింది. ఇక రెండో పార్ట్ కనీవినీ ఎరుగని రీతిలో ఉంటుందని తాజాగా నిర్మాత అశ్వినీదత్‌ చెప్పిన విషయం తెలిసిందే.