Prabhas: 'ఆదిపురుష్' డైరక్టర్ ఫొటో ని అడ్డం పెట్టి ఆడేసుకుంటున్నారు
సారాంశం
ప్రభాస్ అభిమానులు అందరూ ప్రస్తుతం ఆసక్తిగా ఎదురు చూస్తున్న సినిమా "ఆది పురుష్".
జూన్ 21న దేశవ్యాప్తంగా యోగా దినోత్సవాన్ని నిర్వహించిన సంగతి తెలిసిందే. సెలబ్రేటీలు సైతం యోగా విశిష్టతలు తెలుపుతూ.. అభిమానులకు సూచనలిచ్చారు. అంతేకాకుండా యోగాకు సంబంధించిన ఫోటోలను కూడా సోషల్ మీడియా వేదికగా షేర్ చేశారు. ఆ క్రమంలోనే ప్రభాస్ హీరోగా రూపొందుతున్న ఆదిపురుష్ చిత్రం దర్శకుడు ఓం రౌత్ సైతం యోగాశనాలు వేస్తూ ఓ ఫొటోను సోషల్ మీడియాలో షేర్ చేసారు. అదే ఇప్పుడు హాట్ టాపిక్ గా మారింది. ఆ ఫొటోను చాలా మంది ట్రోలింగ్ చేస్తున్నారు. ఆ ఫొటోను అడ్డం పెట్టి ఆ దర్శకుడుని ఆడేసుకుంటున్నారు. అందుకు కారణం ఏమిటంటే...
యంగ్ రెబల్ స్టార్ ప్రభాస్ అభిమానులు అందరూ ప్రస్తుతం ఆసక్తిగా ఎదురు చూస్తున్న సినిమా "ఆది పురుష్". రామాయణం ఆధారంగా తెరకెక్కనున్న ఈ మైథలాజికల్ డ్రామా కి బాలీవుడ్ దర్శకుడు ఓం రౌత్ దర్శకత్వం వహిస్తున్నారు. ఈ సినిమాలో ప్రభాస్ శ్రీరాముడి పాత్రలో కనిపించబోతున్నారు. బాలీవుడ్ బ్యూటీ కృతి సనన్ సీత పాత్రలో కనిపించనుండగా, రావణాసురుడి పాత్రలో సైఫ్ అలీఖాన్, లక్ష్మణ పాత్రలో సన్నీ సింగ్ నటిస్తున్నారు. ఇక ఈ సినిమా ఎప్పుడు విడుదల అవుతుందా, సినిమాకు సంభందించిన స్పెషల్ అప్ డేట్స్ ఎప్పుడు వస్తాయా అని ఆసక్తిగా ఎదురు చూస్తున్నారు అభిమానులు. ఇప్పటిదాకా ఓ ఫస్ట్ లుక్ కానీ, ఓ ట్రైలర్, టీజర్ వంటివి ఏమీ బయిటకు రాలేదు. దాంతో ప్రభాస్ ఫ్యాన్స్ కు మండిపోతోంది.
ఐదు వందల కోట్ల బడ్జెట్ తో దేశంలో అతి పెద్ద స్టార్ అయిన ప్రభాస్ తో ఫిల్మ్ చేస్తున్నావు. ఆ సినిమాకు సంభందించిన అప్ డేట్స్ ఇవ్వటానికి నీకు సమయం లేదు. కానీ ఇంటర్నేషనల్ యోగా డే రోజున మాత్రం నీ ఫొటోను షేర్ చేసావు..నువ్వు ఫుట్ బాల్ లాగ ఉన్నావు..ఏంటిరా మాకు ఈ టార్చర్..ఎప్పుడు ఆదిపురుష్ ఫస్ట్ లుక్ రిలీజ్ చేస్తావు అంటూ సోషల్ మీడియాలో ఓ రేంజిలో డైరక్టర్ ని ఆడుకుంటున్నారు.
"ఆది పురుష్" సినిమా వచ్చే ఏడాది సంక్రాంతికి విడుదలకి సిద్ధమవుతున్నట్లుగా చిత్రబృందం ఆ మద్యన ప్రకటించింది. ఇప్పటికే ప్రభాస్ నటించిన "రాధేశ్యామ్" రిలీజై ఫ్లాప్ అయ్యింది. ఆ సినిమా ప్రభావం నుంచి ప్రభాస్ బయిటపడి "సలార్" సినిమా షూటింగ్ లో పాల్గొంటున్నారు. ఇప్పుడు "ఆది పురుష్" కూడా వచ్చే ఏడాది విడుదల కాబోతుంది. అంటే 2023 లో ప్రభాస్ 2 సినిమాలు విడుదల చేయబోతున్నారు. టీ సిరీస్ మరియు రెట్రో ఫైల్స్ సంయుక్తంగా నిర్మించిన "ఆది పురుష్" సినిమాకి సాచెత్-పరంపర సంగీతాన్ని అందించారు.