హాలీవుడ్ చిత్రాన్ని మించేలా ‘సలార్’ యాక్షన్ సీక్వెన్స్... అంచనాలను పెంచేలా లేటెస్ట్ అప్డేట్..!
By Asianet News | First Published Nov 2, 2023, 5:34 PM IST‘సలార్’లో భారీ యాక్షన్ సీక్వెన్స్ ను ప్లాన్ చేశారు దర్శకుడు ప్రశాంత్ నీల్. ఈ చిత్రంలోని యుద్ధ సన్నివేశాలకు ఎన్ని వందల వెహికిల్స్ వాడారో తెలిస్తే అంచనాలు తారాస్థాయికి చేరడం ఖాయం.
పాన్ ఇండియా స్టార్ ప్రభాస్ (Prabhas) నెక్ట్స్ Salaar Cease Fireతో ప్రేక్షకుల ముందుకు రానున్నారు. ఈ చిత్రాన్ని బ్లాక్ బాస్టర్ ఫిల్మ్ ‘కేజీఎఫ్’ దర్శకుడు, సెన్సేషనల్ డైరెక్టర్ ప్రశాంత్ నీల్ తెరకెక్కిస్తున్నారు. దాదాపు 250 కోట్ల భారీ బడ్జెట్ తో హోంబలే ఫిల్మ్స్ వారు నిర్మిస్తున్నారు. అన్నీ బాగుంటే ఈ చిత్రం ఇప్పటికే ప్రేక్షకుల ముందుకు వచ్చేది. కానీ బెస్ట్ అవుట్ పుట్ కోసం మోస్ట్ అవైటెడ్ ఫిల్మ్ ను డిసెంబర్ 22కు వాయిదా వేసిన విషయం తెలిసిందే. ప్రస్తుతం పోస్ట్ ప్రొడక్షన్ వర్క్, సీజీ సంబంధించిన పనులు చకచకా కొనసాగుతున్నాయి.
ఇదిలా ఉంటే.. ‘సలార్’పై ఇప్పటికే తారాస్థాయిలో అంచనాలు నెలకొన్నాయి. ప్రశాంత్ నీల్ దర్శకత్వం, పాన్ ఇండియా స్టార్ ప్రభాస్ ఫుల్ లెన్త్ యాక్షన్ మోడ్, రవి బర్రూర్ సంగీతం, పృథ్వీ రాజ్ సుకుమార్, జగపతి బాబు వంటి స్టార్స్ విలన్స్ గా నటిస్తుండటంతో సినిమాకోసం గ్లోబ్ వైడ్ గా ఆడియెన్స్ ఎదురుచూస్తున్నారు. ఫ్యాన్స్, ప్రేక్షకుల అంచనాలను మరింతగా పెంచేలా తాజాగా ఓ ఇంట్రెస్టింగ్ అప్డేట్ అందింది. ఈ చిత్రంలో ఏ రేంజ్ లో యాక్షన్ సీక్వెన్స్ ను చూపించబోతున్నారో తెలుస్తోంది.
Latest Videos
undefined
ప్రశాంత్ నీల్ ఈ మూవీ చిత్రీకరణకు ఏకంగా 750 విభిన్న వాహనాలను వినియోగించారంట. చిత్రంలో ఎక్కువ శాతం గ్రౌండ్ పైనే యాక్షన్ డిజైన్ చేయడంతో భారీ వాహనాలను ఉపయోగించారంట. జీప్‌లు, ట్యాంకులు, ట్రక్కులు మొదలైన వాటితో యాక్షన్ సీక్వెన్స్ ను షూట్ చేశారని తెలుస్తోంది. భారీ మొత్తంలో వాహనాలను ఉపయోగించి యుద్ధ సన్నివేశాలను చిత్రీకరించడం హాలీవుడ్ సినిమాలకే సాధ్యమైంది. ఇక అలాంటి సినిమాలకు ధీటుగా ప్రశాంత్ నీల్ ‘సలార్’ కోసం భారీ వాహనాలను వినియోగించారని తెలుస్తోంది.
ప్రభాస్ నుంచి సరైనా యాక్షన్ ఫిల్మ్ కోసం ఎదురుచూస్తున్నఅభిమానులు ‘సలార్’ ఫుల్ మీల్స్ అందించనుందని అర్థం అవుతోంది. హ్యూజ్ యాక్షన్ సీన్స్ తో అదరగొట్టబోతున్నట్టు లేటెస్ట్ అప్డేట్స్ తో అర్థం అవుతోంది. ఇప్పటికే విడుదలైన ‘సలార్’ టీజర్ ఏ రేంజ్ లో అంచనాలను క్రియేట్ చేసిందో తెలిసిందే. లేటెస్ట్ అప్డేట్ తో ప్రశాంత్ నీల్ యాక్షన్ సీక్వెన్స్ కు ఎంత ప్రాధాన్యత ఇచ్చారో అర్థమవుతోంది. చిత్ర టీజర్ క్రియేట్ చేసిన సెన్సేషన్ కు ఇండియాతో పాటు ఓవర్సీస్ లో భారీ బిజినెస్ చేస్తోంది.
ఇక సలార్ రెండు పార్టులు గా రానుంది. Salaar Cease Fire పేరిట మొదటి భాగాన్ని విడుదల చేస్తున్నారు. డిసెంబర్ 22న ప్రపంచ వ్యాప్తంగా పాన్ ఇండియా స్థాయిలో రిలీజ్ కానుంది. అలాగే ఇంగ్లీష్ వెర్షన్ లోనూ ప్రేక్షకుల ముందుకు వస్తోంది. ప్రభాస్ సరసన స్టార్ హీరోయిన్ శృతి హాసన్ (Shruti Haasan) నటిస్తోంది. చిత్రంలో ఈశ్వరీ రావు, శ్రియా రెడ్డి, సప్తగిరి, పృథ్వీ రాజ్ కీలక పాత్రల్లో కనిపించబోతున్నారు. రవి బర్సూర్ సంగీత దర్శకుడైన ఈ చిత్రానికి భువన్ గౌడ సినిమాటోగ్రఫీ అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి