ఈవారం ఓటీటీలో రిలీజయ్యే చిత్రాలు, సిరీస్ లు ఇవే.. తప్పకుండా చూడాల్సినవి ఇవే..

ఈ వారం ముఖ్యంగా ప్రైమ్ వీడియో, నెట్‌ఫ్లిక్స్, జియోహాట్‌స్టార్, ZEE5, సన్ NXT వేదికగా కొత్త కంటెంట్ అందుబాటులోకి రాబోతోంది. వివిధ ఓటీటీ ప్లాట్‌ఫార్మ్‌లో రిలీజ్ కాబోతున్న చిత్రాలు, సిరీస్ ల వివరాలు ఇప్పుడు చూద్దాం.

ఈవారం ఓటీటీ రిలీజ్ లు 

ఈ వారం (జూన్ 23 నుంచి 29 వరకు) ఓటీటీ ప్లాట్‌ఫార్మ్‌లలో ఎన్నో ఆసక్తికరమైన సినిమాలు, వెబ్ సిరీస్‌లు ప్రేక్షకులను అలరించనున్నాయి. డ్రామా, యాక్షన్, థ్రిల్లర్, సస్పెన్స్ జానర్లలో వివిధ కంటెంట్‌లను ప్రముఖ ఓటీటీ ప్లాట్‌ఫార్మ్‌లు విడుదల చేస్తున్నాయి. ఈ వారం ముఖ్యంగా ప్రైమ్ వీడియో, నెట్‌ఫ్లిక్స్, జియోహాట్‌స్టార్, ZEE5, సన్ NXT వేదికగా కొత్త కంటెంట్ అందుబాటులోకి రాబోతోంది. వివిధ ఓటీటీ ప్లాట్‌ఫార్మ్‌లో రిలీజ్ కాబోతున్న చిత్రాలు, సిరీస్ ల వివరాలు ఇప్పుడు చూద్దాం. 

ప్రైమ్ వీడియో 

పంచాయత్ సీజన్ 4 (Panchayat Season 4) 

విడుదల తేదీ: జూన్ 24 

జీతేంద్ర కుమార్, నీనా గుప్తా ప్రధాన పాత్రల్లో నటించిన ఈ సిరీస్‌లో గ్రామ పంచాయతీ ఎన్నికల నేపథ్యంలో పొలిటికల్ డ్రామాగా ఈ వెబ్ సిరీస్ రూపొందింది. 

నెట్ ఫ్లిక్స్ 

స్క్విడ్ గేమ్ సీజన్ 3 (Squid Game Season 3)

విడుదల తేదీ: జూన్ 27 

గత సీజన్‌ క్లైమాక్స్ తర్వాత కథను కొనసాగిస్తూ, మిత్రుని మృతి, మోసం, తిరుగుబాట్లు అంశాలతో ఈ సీజన్ ఉండబోతోంది. లీ జంగ్ జే, లీ బ్యూఙ్ హన్, వి హా జూన్ కీలక పాత్రల్లో కనిపించనున్నారు.

రైడ్ 2(Raid 2)

విడుదల తేదీ : జూన్ 27

అజయ్ దేవగన్, రితేష్ దేశ్ ముఖ్, వాణి కపూర్ ప్రధాన పాత్రల్లో నటించిన రైడ్ 2 చిత్రం నెట్ ఫ్లిక్స్ లో ప్రేక్షకులని అలరించేందుకు రెడీ అవుతోంది. 

జియో హాట్ స్టార్ 

ఐరన్‌హార్ట్ (Ironheart) 

విడుదల తేదీ: జూన్ 25 

బ్లాక్ పాంథర్ తర్వాత రిరీ విలియమ్స్ తిరిగి చికాగోకు వస్తుంది. టెక్నాలజీ వర్సెస్ మేజిక్ నేపథ్యంలో రూపొందించిన ఈ సిరీస్‌లో "ది హుడ్" అనే విలన్‌ను పరిచయం చేస్తారు.

ది బేర్ సీజన్ 4 (The Bear Season 4)

విడుదల తేదీ: జూన్ 26 

కార్మీ అనే యువ చెఫ్ తన టీమ్‌తో కలిసి ఓ శాండ్‌విచ్ షాప్‌ను ప్రొఫెషనల్ రెస్టారెంట్‌గా మార్చే ప్రయత్నాల్లో పడతాడు. ఎమోషన్, డ్రామా, కిచెన్ టెన్షన్‌తో నిండిన కథ.

మిస్ట్రీ (Mistry) 

విడుదల తేదీ: జూన్ 27 

OCDతో బాధపడే మాజీ పోలీస్ అర్మాన్ మిస్ట్రీ ఎలా అత్యంత క్లిష్టమైన కేసులను ఛేదిస్తాడు అనేదే కథ. రామ్ కపూర్, మోనా సింగ్ ముఖ్య పాత్రల్లో నటించారు.

ది బ్రూటలిస్ట్ (The Brutalist) 

విడుదల తేదీ: జూన్ 28 యుద్ధానంతర యూరప్ నుంచి అమెరికాకు వలస వచ్చిన హంగేరియన్-జ్యూయిష్ ఆర్కిటెక్ట్ లాస్జ్లో తోత్ జీవిత కథ. అడ్రియన్ బ్రోడి ప్రధాన పాత్రలో కనిపిస్తారు. ఈ చిత్రం అనేక ఆస్కార్ అవార్డులని సొంతం చేసుకుంది. 

జీ 5

ఆటా తాంబయ్చా నాయ్ (Ata Thambaycha Naay) 

విడుదల తేదీ: జూన్ 27 

ముంబై మున్సిపాలిటీ పరిశుభ్రతా కార్మికుల నిజ జీవిత కథ ఆధారంగా రూపొందిన ఈ చిత్రం, వారి విద్యాభివృద్ధికి ప్రయత్నించే ప్రభుత్వ అధికారిని చూపిస్తుంది.

విరాటపాలెం 

విరాటపాలెం అనే తెలుగు సిరీస్ కూడా జీ 5లో జూన్ 27న రిలీజ్ అవుతోంది.