మెగాహీరో సినిమా నుండి దేవిశ్రీ అవుట్!

దర్శకుడు హరీష్ శంకర్ చాలా కాలం గ్యాప్ తీసుకొని 'వాల్మీకి' సినిమాను రూపొందిస్తున్నారు. ఇందులో వరుణ్ తేజ్ ప్రధాన పాత్ర పోషిస్తున్నాడు. తమిళంలో సక్సెస్ అయిన 'జిగర్తాండ' సినిమాకు రీమేక్ గా ఈ చిత్రాన్ని తెరకెక్కిస్తున్నాడు.

ఎన్నో అవధులు దాటుకొని ఈ సినిమా షూటింగ్ దశకు వచ్చింది. కానీ ఈ మధ్యనే హీరోయిన్ పూజా హెగ్డే ఈ ప్రాజెక్ట్ నుండి తప్పుకున్నట్లు వార్తలు వచ్చాయి. ఇప్పుడు తాజాగా సంగీత దర్శకుడు దేవిశ్రీప్రసాద్ కూడా ఈ ప్రాజెక్ట్ నుండి తప్పుకున్నట్లు వార్తలు వస్తున్నాయి.

ఓ పాట విషయంలో హరీష్ శంకర్ కు దేవిశ్రీప్రసాద్ కు మధ్య అభిప్రాయబేధాలు రావడంతో ఆయన కూడా ఈ ప్రాజెక్ట్ నుండి తప్పుకున్నారని అంటున్నారు. దేవి స్థానంలో మిక్కీ జె మేయర్ ని తీసుకున్నట్లు సమాచారం. 14 రీల్స్ బ్యానర్ పై ఈ సినిమాను నిర్మిస్తున్నారు.