జక్కన్నతో పనిచేస్తున్నారు జాగ్రత్త.. చరణ్కి ఎన్టీఆర్ హెచ్చరిక
సారాంశం
`ఆర్ ఆర్ ఆర్` నుంచి ఇప్పటికే ఫస్ట్ లుక్, రామ్చరణ్ నటిస్తూ అల్లూరి సీతారామరాజు పాత్ర టీజర్ని విడుదల చేశారు. తాజాగా కొమురంభీమ్ పాత్ర కోసం అంతా వెయిట్ చేస్తున్నారు. దసరాని పురస్కరించుకుని రేపు(గురువారం) పదకొండు గంటలకు ఈ టీజర్ని విడుదల చేయనున్నారు.
రామ్చరణ్ని హెచ్చరిస్తున్నారు ఎన్టీఆర్. రాజమౌళిని నమ్ముకుంటే మోసపోవచ్చని చెబుతున్నాడు. జక్కన్నతో పనిచేస్తున్నావ్ జాగ్రత్త అని సలహాలిస్తున్నాడు. మరి రామ్చరణ్కి ఎన్టీఆర్ హెచ్చరికలు చేయడానికి కారణమేంటి? ఎందుకు అలా చేస్తున్నాడనేది చూస్తే,
ప్రస్తుతం ఎన్టీఆర్, రామ్చరణ్ కలిసి `ఆర్ ఆర్ ఆర్`లో నటిస్తున్నారు. కొమురంభీమ్, అల్లూరి సీతారామరాజు యంగ్ ఏజ్లో లైఫ్ ఆధారంగా, కల్పిత కథాంశంతో ఈ చిత్రాన్ని దర్శకుడు రాజమౌళి భారీ మల్టీస్టారర్గా రూపొందిస్తున్నారు. ఈ నెల ప్రారంభంలో సినిమా తిరిగి షూటింగ్ ప్రారంభమైన విషయం తెలిసిందే.
ఇప్పటికే ఈ సినిమా నుంచి ఫస్ట్ లుక్, రామ్చరణ్ నటిస్తూ అల్లూరి సీతారామరాజు పాత్ర టీజర్ని విడుదల చేశారు. తాజాగా కొమురంభీమ్ పాత్ర కోసం అంతా వెయిట్ చేస్తున్నారు. దసరాని పురస్కరించుకుని రేపు(గురువారం) పదకొండు గంటలకు ఈ టీజర్ని విడుదల చేయనున్నారు. ఈ సందర్భంగా బుధవారం చిన్న ఇంట్రో సీన్ని రామ్చరణ్ ట్విట్టర్ ద్వారా పంచుకున్నారు. ఎన్టీఆర్ని ఉద్దేశించి `బ్రదర్ ఇది మీకోసం ` అని వెల్లడించారు. కానీ ఈ సారి కచ్చితంగా టైమ్కే అందిస్తాను అని తెలిపారు. అడవిలో నీటిలో నుంచి ఇరుసుని తీసుకుని ఎన్టీఆర్ పరిగెడుతున్నట్టుగా ఈ ఇంట్రో ఉంది. ఆసక్తిని రేకెత్తిస్తుంది.
దీన్ని ఉద్దేశించి ఎన్టీఆర్ రీట్వీట్ చేశారు. `మీరు ఇప్పటికే ఐదు నెలలు ఆలస్యం అయ్యిందని గ్రహించి ఉంటారు. మీరు పనిచేసేది జక్కన్నతో,కాబట్టి జాగ్రత్తగా ఉండండి. ఏమైనా జరగొచ్చు` అని ఆనంద కన్నీళ్లతో కూడిన ఎమోజీని పంచుకున్నారు తారక్. అయినప్పటికీ చాలా ఎగ్జైటింగ్గా వెయిట్ చేస్తున్నానని తెలిపారు.