షాట్లో చిన్నప్పుడు ఎన్టీఆర్ని చూశారా? ఎంత క్యూట్గా ఉన్నాడో.. సీనియర్ నటి శారదతో ఉన్న రేర్ వీడియో వైరల్..
సారాంశం
ఎన్టీఆర్ చిన్ననాటి వీడియో ఒకటి ఇప్పుడు సోషల్ మీడియాని షేక్ చేస్తుంది. ఇందులో షాట్లో ఉన్నాడు తారక్. క్యూట్ ఎక్స్ ప్రెషన్స్ తో ఆకట్టుకుంటున్నాడు.
యంగ్ టైగర్ ఎన్టీఆర్ ఇప్పుడు పాన్ ఇండియా హీరోగా రాణిస్తున్నారు. రెండు పాన్ ఇండియా సినిమాల్లో నటిస్తూ బిజీగా ఉన్నాడు. ప్రస్తుతం `దేవర` షూటింగ్లో ఉన్నాడు. దీంతోపాటు హిందీలోకి ఎంట్రీ ఇస్తూ `వార్ 2`లో నటిస్తున్నారు. ఈ సినిమాలతో తారక్ రేంజ్ అమాంతం పెరగబోతుంది. తెలుగులోనే కాదు, ఇండియా వైడ్గా తన ఇమేజ్ని, మార్కెట్ని పెంచుకోబోతున్నాడు. అందుకోసం ఫ్యాన్స్ కూడా ఈగర్గా వెయిట్ చేస్తున్నారు.
ఇదిలా ఉంటే ఎన్టీఆర్కి సంబంధించి ఓ చిన్ననాటి అరుదైన వీడియో ఒకటి ఇప్పుడు సోషల్ మీడియాలో వైరల్ అవుతుంది. అటు ఇటుగా ఎన్టీఆర్ పది, 12ఏళ్ల వయసులోని వీడియో అది. ఓ మ్యూజికల్ కాన్సర్ట్ లో ఆయన పాల్గొన్నాడు. తను కూడా షో చేసినట్టు తెలుస్తుంది. చిన్నప్పుడు ఎన్టీఆర్ క్లాసికల్ డాన్స్ నేర్చుకున్నారు. భారతనాట్యంలో మంచి పట్టు ఉంది. అంతేకాదు కొన్ని షోస్ లో పర్ఫెర్మ్ కూడా చేశాడు. అందులో భాగంగా ఇప్పుడు వైరల్ అవుతున్న వీడియోలోనూ చిన్ననాటి తారక్ తన ప్రదర్శన ఇచ్చినట్టు తెలుస్తుంది. తన చేతులకు కోన్ కనిపిస్తుంది.
అయితే ఆయన స్టేజ్ ముందు సీనియర్ నటి శారద పక్కన కూర్చోవడం విశేషం. సీనియర్ ఎన్టీఆర్ మనవడు కావడంతో తారక్ని పక్కన కూర్చోబెట్టుకుంది శారద. ఇందులో ఈ ఇద్దరు ముచ్చట్టు పెట్టుకుంటున్నారు. శారద ఏదో అడిగితే అవును అనేలా తలూపాడు ఎన్టీఆర్. చిన్నప్పుడు ఎంతో క్యూట్గా ఉన్నాడు. అయితే ఈ వీడియోలో ఎన్టీఆర్ షాట్లో కనిపించాడు. క్యూట్ ఎక్స్ ప్రెషన్స్ తో ఎంతగానో ఆకట్టుకుంటున్నాడు. ఆయన హవభావాలు, స్పాంటినియస్గా రెస్పాండ్ అయ్యే విధానం, కళ్లు నలుచుకుంటూ కనిపించిన తీరు ఫన్నీగా ఉంది. ఫ్యాన్స్ ని ఆకట్టుకుంటుంది. దీంతో వాళ్లు వైరల్ చేస్తున్నారు.
ఇక ప్రస్తుతం ఎన్టీఆర్ `దేవర` షూటింగ్లో ఉన్న విషయం తెలిసిందే. థాయ్లాండ్లో ఈ మూవీ సాంగ్ చిత్రీకరణ జరుగుతుంది. తారక్, జాన్వీలపై ఈ పాట షూట్ చేస్తున్నారు. బాలీవుడ్ కొరియోగ్రాఫర్ బోస్కో మార్టిస్ సారథ్యంలో ఈ పాట చిత్రీకరణ జరుగుతుంది. ఎన్టీఆర్తో ఈ పాట చేయడం చాలా ఆనందంగా, ఎగ్జైటింగ్గా ఉందని ఆ కొరియోగ్రాఫర్ వెల్లడించారు. ఇక ఈ మూవీని సెప్టెంబర్ 27న విడుదల చేయబోతున్నారు. మరోవైపు `హృతిక్ రోషన్తో కలిసి `వార్ 2`లోనూ నటిస్తున్నాడు. ఇప్పటికే రెండు షెడ్యూల్ లో ఆయన పాల్గొన్నాడు.