`వార్‌ 2`లో ఎన్టీఆర్‌ రోల్ ఏంటో తెలిసిపోయింది.. నిజమైతే రణరంగమే?

ఎన్టీఆర్‌ నార్త్ మార్కెట్‌పై కన్నేశాడు. ఇప్పుడు ఆయన `వార్‌ 2`లో నటించబోతున్న విషయం తెలిసిందే. అయితే ఇందులో ఆయన పాత్రకి సంబంధించిన క్రేజీ అప్డేట్‌ చక్కర్లు కొడుతుంది.   

టాలీవుడ్‌ యంగ్‌ టైగర్‌ ఎన్టీఆర్‌ ఓ వైపు తెలుగు పాన్‌ ఇండియా మూవీస్‌ చేస్తూనే మరోవైపు నార్త్ ఆడియెన్స్ కి దగ్గరయ్యేందుకు ప్రయత్నం చేస్తున్నారు. ప్రస్తుతం ఆయన హిందీలో `వార్‌ 2`లో నటిస్తున్నారు. ఈ మూవీ త్వరలోనే ప్రారంభం కానుందట. ఇందులో హృతిక్‌ రోషన్‌ హీరోగా నటిస్తున్నారు. అయాన్‌ ముఖర్జీ ఈ మూవీని రూపొందిస్తున్నారు. బాలీవుడ్‌ బిగ్‌ ప్రొడక్షన్‌ హౌజ్‌ యష్‌రాజ్‌ ఫిల్మ్స్ ప్రతిష్టాత్మకంగా దీన్ని నిర్మిస్తుంది. 

ఈ సినిమాలో ఎన్టీఆర్‌ నటించేందుకు గ్రీన్‌ సిగ్నల్‌ ఇచ్చారు. షూటింగ్‌ ప్రారంభానికి సన్నాహాలు జరుగుతున్నాయి. అయితే ఇందులో ఎన్టీఆర్‌ హీరో పాత్రనా, లేక విలన్‌ పాత్రనా, లేదంటే హృతిక్‌ రోషన్‌తో కలిసి మరో హీరోగా కనిపిస్తాడా అనేది సస్పెన్స్ గా మారింది. అయితే గతంలో మాత్రం ఇందులో నెగటివ్‌ షేడ్‌ ఉన్న పాత్ర అనే ప్రచారం జరిగింది. `జై లవ కుశ` తరహాలోని నెగటివ్‌ రోల్‌ అని అన్నారు. 

కానీ తాజాగా దీనికి సంబంధించిన మరో ఇంట్రెస్టింగ్‌ అప్‌డేట్‌ బయటకు వచ్చింది. ఇందులో ఎన్టీఆర్‌ రోల్‌ ఏంటో తెలిపోయింది. `వార్‌ 2`లో తారక్‌ విలన్‌ పాత్రలో కనిపిస్తాడట. ఆయనది పూర్తిగా నెగటివ్‌ రోలే అని తెలుస్తుంది. హృతిక్‌ రోషన్‌తో తలపడే పాత్ర అని అంటున్నారు. ఆయన పాత్ర అతి భయంకరంగా ఉంటుందట. హృతిక్‌, తారక్‌ తలపడితే రణరంగమే అనేలా ఆయన పాత్ర ఉంటుందని, అలాంటి సీన్లని దర్శకుడు ప్లాన్‌ చేస్తున్నారని అంటున్నారు. 

మోస్ట్‌ స్టయిలీష్‌ యాక్షన్‌ ఎంటర్‌టైనర్‌గా దీన్ని తెరకెక్కిస్తున్నారు దర్శకుడు. గత `వార్‌`మూవీకి రెట్టింపు బడ్జెట్‌, భారీ స్కేల్‌లో దీన్ని ప్లాన్‌ చేస్తున్నారు. ఇండియా మోస్ట్ వాంటెడ్‌ మల్టీస్టారర్‌ మూవీగా దీన్ని తెరకెక్కించబోతున్నారట. ఇందులో అలియాభట్‌ పేరు హీరోయిన్‌గా వినిపిస్తుంది. మరోవైపు కియారా అద్వానీ నేమ్‌ కూడా వినిపించింది. మరి వీరిలో ఎవరు ఫైనల్‌ అవుతారు? ఎవరికి ఎవరు జోడీ అవుతారో చూడాలి. 

ఇక ప్రస్తుతం `దేవర` చిత్రంలో నటిస్తున్నారు. కొరటాల శివ దర్శకత్వం వహిస్తున్న ఈ మూవీ చిత్రీకరణ చివరి దశకు చేరుకుంది. ఇందులో జాన్వీ కపూర్‌ హీరోయిన్‌గా నటిస్తున్న విషయం తెలిసిందే. సైఫ్‌ అలీ ఖాన్‌ నెగటివ్‌ రోల్‌ చేస్తున్నారు. సమ్మర్‌కి(ఏప్రిల్‌ 5) రావాల్సిన ఈ మూవీని ఇప్పుడు దసరాకి షిఫ్ట్ అవుతుందని తెలుస్తుంది.