బ్యాంకాక్ వీధుల్లో సేల్స్ గర్ల్ గా 'బాహుబలి' నటి!

తెలుగులో బాహుబలి సినిమాలో 'మనోహరి' పాటకి డాన్స్ చేసి మెప్పించిన నటి నారా ఫతేహి.. ఆ తరువాత తెలుగులో కొన్ని చిత్రాల్లో నటించింది. ఇటీవల విడుదలైన సల్మాన్ ఖాన్ 'భారత్' సినిమాలో ఈ బ్యూటీ కనిపించింది. ప్రస్తుతం ఈమె బ్యాంకాక్ లో ఎంజాయ్ చేస్తోంది.

ట్రిప్ కోసం అక్కడకి వెళ్లిన ఈ బ్యూటీ సేల్స్ గర్ల్ గా మారి బట్టలు అమ్మడం హాట్ టాపిక్ గా మారింది. దీనికి సంబంధించిన వీడియో సోషల్ మీడియాలో వైరల్ అవుతోంది. బాలీవుడ్ లో మంచి డాన్సర్ గా పేరు తెచ్చుకున్న ఈ భామ బ్యాంకాక్ మార్కెట్ లో నేల మీద కూర్చొని బట్టలు అమ్ముతోంది.

ఈ వీడియోలో ఆమె ఎలాంటి మేకప్ లేకుండా అచ్చం సేల్స్ గర్ల్ మాదిరిగానే ఉంది. తన కస్టమర్లతో స్థానిక భాషలో మాట్లాడుతూ కనిపించింది. ప్రస్తుతం ఈ బ్యూటీ 'స్ట్రీట్ డాన్సర్' అనే సినిమాలో నటిస్తోంది. వచ్చే ఏడాది జనవరిలో ఈ సినిమా ప్రేక్షకుల ముందుకు రానుంది.