కుర్రాళ్లని టార్గెట్‌ చేసిన బిగ్‌ బాస్‌ భాను శ్రీ.. రొమాంటిక్‌గా `ఈఎంఐ ఈ అమ్మాయి` ట్రైలర్‌

బిగ్ బాస్‌ షోతో పాపులర్‌ అయిన నోయల్‌ సీన్‌, భాను శ్రీ కలిసి సినిమాలో నటించారు. వీరిద్దరు హీరోహీరోయిన్లుగా `ఈఅమ్మాయి ఈఎంఐ) చిత్రం రూపొందింది. తాజాగా ట్రైలర్‌ విడుదలైంది.

ప్రపంచంలో అన్ని వస్తువులు EMI లో దొరుకుతాయి. అలాగే అమ్మాయి కూడా EMI లో దొరికితే ఎలా ఉంటుంది అనేదే మా  `EMI ఈ అమ్మాయి`. ఇందులో బిగ్‌ బాస్‌ ఫేస్‌ నోయల్‌ సీన్‌, భాను శ్రీ జంటగా నటించడం విశేషం. రొమాంటిక్‌ ఎంటర్‌టైనర్‌గా రూపొందిన ఈ చిత్రానికి దొంతు రమేష్‌ దర్శకత్వం వహిస్తున్నారు.  దొంతు బుచ్చయ్య , బమ్మిడి సంగీత సమర్పణలో  శ్రీ అవదూత వెంకయ్య స్వామి ప్రొడక్షన్స్ పతాకంపై  డి. రమేష్ గౌడ్ ఈ చిత్రాన్ని నిర్మించారు,  అన్నీ కార్యక్రమాలు పూర్తి చేసుకొని ఈ నెల 10 న ప్రేక్షకుల ముందుకు వస్తున్న  సందర్బంగా చిత్ర యూనిట్ "EMI ఈ అమ్మాయి " ట్రైలర్ ను విడుదల చేశారు. తాజాగా విడుదలైన ఆద్యంతం ఆకట్టుకుంటుంది. యువతని టార్గెట్‌ చేసినట్టుగా రొమాంటిక్‌, థ్రిల్లర్‌ అంశాలతో సాగుతుంది.

`ఈఎంఐ ఈ అమ్మాయి` ట్రైలర్‌ విడుదల సందర్భంగా హీరో నోయల్ మాట్లాడుతూ..`ఒక తండ్రి కృషి, కొడుకు   ప్రయత్నం అని చాలా సార్లు విన్నాను. అయితే ఈ సినిమా ద్వారా ఈ తండ్రి కొడుకులను కళ్లారా చూశాను. చాలా మంది  సినిమాల్లోకి వెళతాను అంటే ఎంకరేజ్ చేయరు. అలాంటి తన కొడుకు కలను నిజం చేస్తూ చాలా కష్టపడి నిర్మించిన చిత్రమే `EMI ఈ అమ్మాయి`. ప్రతి ఒక్క ఆర్టిస్ట్ కు చిరంజీవి తో చేయాలనే ఆశ ఉంటుంది,  కానీ మీలాంటి దర్శక, నిర్మాతలు అవకాశం ఇచ్చినప్పుడు దాన్ని ప్రూవ్ చేసుకుంటేనే అలాంటి అవకాశాలు వస్తాయి. ఈ సినిమా నోయల్ చేస్తే బాగుంటుంది అని నన్ను నమ్మి సెలెక్ట్ చేసుకొన్నందుకు దర్శక, నిర్మాతలకు ధన్యవాదములు. హీరోయిన్ భాను చాలా హార్డ్ వర్కర్ తను ఇందులో చాలా బాగా నటించింది. ఈ నెల 10 న  వస్తున్న ఈ సినిమాను అందరూ ఆదరించి బిగ్ హిట్ చేయాలని మనస్ఫూర్తిగా కోరుకుంటున్నాను అన్నారు.

హీరోయిన్ భాను  మాట్లాడుతూ.. "EMI ఈ అమ్మాయి."  అనేది ప్రతి ఒక్కరి జీవితంలో ఉంటుంది. అది పూర్ పీపుల్ నుండి రిచ్ పీపుల్ వరకు  EMI కట్టకుండా  ఉండేటటువంటి ఇల్లు ఉండదు.కాబట్టి "EMI ఈ అమ్మాయి" అనేది ప్రతి ఒక్కరి జీవితంలో భాగం. దర్శకుడు ఈ కథ నాకు చెప్పినప్పుడు చాలా ఇంట్రెస్టింగ్ అనిపించింది. వెంటనే చేయడానికి ఒప్పుకున్నాను` అని తెలిపింది. 

చిత్ర దర్శకుడు  దొంతు రమేష్  మాట్లాడుతూ..`మాది వెస్ట్ గోదావరి లోని మారు మూల గ్రామం. మా నాన్న ఒక రైతు,  నేను కన్న కలను నిజం  చేయడానికి నాన్న నన్ను సపోర్ట్ చేశాడు. కరోనా టైం లో  ఈ సినిమా కొరకు ఎన్నో ఇబ్బందులు ఎదురైనా  కూడా మా నాన్న మాకు అండగా నిలబడి సినిమా ను పూర్తి చేశారు. ఇందులో నటించిన భానుశ్రీ, నోయల్ చాలా సపోర్ట్ చేశారు. అందరూ సపోర్ట్ చేయడంతో సినిమా అయితే బాగా వచ్చింది. కానీ సినిమా విడుదల చేయడానికి ఇబ్బంది పడుతున్న మాకు ఈస్ట్ వెస్ట్ రాజీవ్ గారు, బుర్రా ప్రశాంత్ గౌడ్ గార్లు సపోర్ట్ గా నిలబడి మాకు ధైర్యాన్ని ఇచ్చి సినిమాను రిలీజ్ చేయిస్తున్నారు. ఇలాంటి వ్యక్తులు ఇండస్ట్రీ లో ఉంటే ఏ చిన్న నిర్మాత  కూడా ఇబ్బంది పడరు` అని తెలిపారు.

సమర్పకులు దొంతు బుచ్చయ్య  మాట్లాడుతూ.. వివిధ దశల్లో అమ్మాయిలు ఎదుర్కొనే రక రకాల సమస్యలను కథాంశంగా తీసుకొని రూపొందించిన చిత్రమే  "EMI.ఈ అమ్మాయి" సినిమా చెయ్యడానికి చాలా ఇబ్బంది పడ్డాము. నటీ, నటులు  టెక్నిషియన్స్ అందరూ సపోర్ట్ చేయడంతో .సినిమా చాలా బాగా వచ్చింది. ఈ నెల 10 న ప్రేక్షకుల ముందుకు వస్తున్న మా సినిమాను ఆదరించండి.చూసిన వారందరికీ తప్పకుండా నచ్చుతుంది` అని అన్నారు 

నటీనటులుః
నోయల్ సీన్ , బిగ్ బాస్ ఫెమ్ బానుశ్రీ, చమ్మక్ చంద్ర, సత్తి పండు, ధనరాజ్, భద్రం, చలాకి చంటి, హరితేజ, చందన, మహేష్ తదితరులు 

సాంకేతిక నిపుణులు 
బ్యానర్ :: శ్రీ అవదూత వెంకయ్య స్వామి ప్రొడక్షన్స్ 
నిర్మాత : డి. రమేష్ గౌడ్ 
కథ, స్క్రీన్ ప్లే దర్శకత్వం : దొంతు రమేష్ 
సినిమాటోగ్రఫీ : యం.మోహన్  చంద్ 
సంగీతం : రవిశంకర్ 
ఎడిటర్‌ : ,నందమూరి హరి
లిరిక్స్ : సుద్దాల అశోక్ తేజ, శ్రీ మణి, చిర్రవూరి విజయ్ కుమార్,
డైలాగ్స్ : గటికాచలం, కేశవ కొన, 
కో డైరెక్టర్ : కే. శ్రీనివాస రావ్
ఆర్ట్స్ యం. యస్. వాసు 
పి. ఆర్. ఓ : హరీష్, దినేష్