118పై ఆశలు ఆకాశంలో.. హిట్టు కొట్టకుంటే కష్టమే?

కళ్యాణ్ రామ్ నటించిన 118 సినిమా శుక్రవారం వరల్డ్ వైడ్ గా రిలీజ్ కానుంది. అసలు సినిమా ఎంతవరకు హిట్టవుతుందో అనే విషయం కన్నా ప్రస్తుతం సినిమాపై ఇద్దరి నటీనటులు పెట్టుకున్న నమ్మకం ఇంట్రెస్టింగ్ గా అనిపిస్తోంది. ఆ ఇద్దరు ఆకాశమంతా ఆశలు పెట్టుకున్నారు. మొదటగా హీరోయిన్ నివేత థామస్  ఈ సినిమాతో హిట్టుకొట్టే తీరాలి. 

జెంటిల్ మెన్ - నిన్ను కోరి వంటి సినిమాలతో మంచి సక్సెస్ అందుకున్న  నివేత ఆ తరువాత జై లవకుశ సినిమాలో తారక్ సరసన నటించిన సంగతి తెలిసిందే. అయితే ఆ సినిమాలో తారక్ యాక్టింగ్ తో డామినేషన్ చేయడంతో ఈ భామకు అనుకున్నంతగా గుర్తింపు రాలేదు. స్టార్ హీరోలతో నటించే ఆఫర్స్ కూడా రావడం లేదు.  

అందుకే కళ్యాణ్ రామ్ నటించిన 118 సినిమా ఎలాగైనా మంచి విజయం సాధించాలని కోరుకుంటోంది. ఇక మెయిన్ గా కళ్యాణ్ రామ్ కూడా ఈ సినిమాతో హిట్టు కొట్టే తీరాలి. గత కొంత కాలంగా హీరోగా వరుస అపజయాలను ఎదుర్కొంటున్న కళ్యాణ్ రామ్ ఈ సినిమాను నమ్మి గట్టిగానే ప్రమోట్ చేస్తున్నాడు. మరి 118 ఏ స్థాయిలో విజయాన్ని అందుకుంటుందో చూడాలి.