సీఎం కొడుకు సక్సెస్ అందుకుంటాడా..?

సినీ నిర్మాత, కర్ణాటక ముఖ్యమంత్రి కుమారస్వామి కుమారుడు నిఖిల్ గౌడ ఇదివరకే టాలీవుడ్ లో 'జాగ్వార్' అనే సినిమాలో నటించాడు. తెలుగులో హీరోగా పరిచయమైన ఈ సినిమా అతడికి పెద్దగా గుర్తింపుని తీసుకురాలేకపోయింది. 

ఆ తరువాత నిఖిల్ తెలుగు సినిమాలలో కనిపించలేదు. మళ్లీ ఇప్పుడు టాలీవుడ్ లో నటించడానికి ఆసక్తి చూపిస్తున్నట్లు తెలుస్తోంది. మోహన్ మీడియా క్రియేషన్స్ పతాకంపై మోహన్ వడ్లపట్ల ఓ భారీ బడ్జెట్ సినిమాను తెరకెక్కించడానికి ప్లాన్ చేస్తున్నారు. తెలుగు-కన్నడ భాషల్లో ఈ సినిమాను రూపొందిస్తారని తెలుస్తోంది.

ఈ సినిమాలో హీరోగా నిఖిల్ గౌడని ఎంపిక చేసినట్లు తెలుస్తోంది. ఈ ప్రాజెక్ట్ గురించి మరిన్ని వివరాలు తెలియాల్సివుంది. మోహన్ వడ్లపట్ల గతంలో మెంటల్ కృష్ణ, కలవరమాయే మదిలో వంటి సినిమాలను నిర్మించారు.

ఈసారి మాత్రం భారీ బడ్జెట్ తో సినిమా తీయడానికి ప్రయత్నిస్తున్నారు. ఈ సినిమాతో పాటు అమెరికా బ్యాక్ డ్రాప్ లో మరో సినిమాను నిర్మించడానికి సన్నాహాలు చేస్తున్నారు.