K viswanath: ఓ సూట్ కలిపిన బంధం.. కే విశ్వనాథ్ కి ఈయన చాలా ప్రత్యేకం

ప్రతి ఒక్కరి జీవితంలో  కొందరు ప్రత్యేకమైన వ్యక్తులు ఉంటారు. ఇక టాలీవుడ్ దిగ్గజ దర్శకులు, కళా తపస్వి కే విశ్వనాథ్ ( K Vishwanath) జీవితంలోనూ ఓ ప్రత్యేకమైన వ్యక్తి ఉన్నారు.ఒక సందర్భంలో కలిసిన వారి మధ్య వీడదీయలేని బంధం ఏర్పడింది.

కొందరితో పరిచయాలు విడదీయరాని అనుబంధంగా మారుతాయి.  టాలీవుడ్ దిగ్గజ దర్శకులు, కళా తపస్వి కే విశ్వనాథ్ జీవితంలోనూ ఓ ప్రత్యేకమైన వ్యక్తితో 25 ఏళ్ళ క్రితం కలిగిన పరిచయం బంధంగా మారింది. ఇంతకీ ఆ వ్యక్తి ఎవరంటే.. ఓ సాధరణ టైలర్ మాత్రమే.. ఆయన పేరు నారాయణ రావు. శుభసంకల్పం సినిమా వీరిద్దరినీ కలిసేలా చేసింది. ఇప్పుడు ఆత్మీయ బంధంగా మారింది.

1994లో 'శుభసంకల్పం' సినిమా షూటింగ్ కోసం కె.విశ్వనాథ్ విశాఖపట్నం వచ్చారంట. షూటింగ్ లో భాగంగా ఆయనకు అర్జెంటుగా సూటు కావాల్సి వచ్చింది. మెటీరియల్ తీసుకుని టైలర్ నారాయణ వద్దకే వెళ్ళారు. అప్పటికే వైజాగ్ లో సూట్ స్పెషలిస్టుగా ఉన్న నారాయణ రావు విశ్వనాథ్ లాంటి పెద్దాయనకు సూచన మేరకు అద్భుతంగా సూటు కుట్టించరంట. 

అలా సూటూతో స్నేహబంధం ఎర్పడి 25 ఏండ్లుగా విడదీయలేని ఆత్మీయ బంధంగా మారిందట. అప్పటి నుంచి నారాయణ రావు స్వయంగా ఆయన ఇంటికి వెళ్తున్నారు.. ప్రతి ఏడాది  విశ్వనాథ్ పుట్టిన రోజున తన చేతులతో స్వయంగా కుట్టిన దుస్తులను అందిస్తారు. ఇప్పుడు ఎన్నెన్నో జన్మల బంధంగా బలపడింది. ఎంతలా అంటే కె.విశ్వనాథ్ ఎప్పుడు విశాఖపట్నం వచ్చినా..  నారాయణ రావును మొదట కలుస్తారంట.