`శివ` టాలీవుడ్‌లో ఓ సంచలనం. మూస ధోరణి చిత్రాల పంథాని మార్చిన చిత్రం. రామ్‌గోపాల్‌ వర్మ అనే ఓ డేరింగ్‌ పర్సన్‌కి డైరెక్టర్‌గా పురుడు పోసిన చిత్రం. అక్కినేని నాగార్జున ఇమేజ్‌ని మార్చిన చిత్రం. తాజాగా ఇది టాలీవుడ్‌లో ఓ మైలురాయికి చేరుకుంది.
`శివ` టాలీవుడ్‌లో ఓ సంచలనం. మూస ధోరణి చిత్రాల పంథాని మార్చిన చిత్రం. రామ్‌గోపాల్‌ వర్మ అనే ఓ డేరింగ్‌ పర్సన్‌కి డైరెక్టర్‌గా పురుడు పోసిన చిత్రం. అక్కినేని నాగార్జున ఇమేజ్‌ని మార్చిన చిత్రం. తాజాగా ఇది టాలీవుడ్‌లో ఓ మైలురాయికి చేరుకుంది. నేటితో ఇది 31ఏళ్ళు పూర్తి చేసుకుంది.
ఈ సినిమాతో దర్శకుడు రామ్‌గోపాల్‌ వర్మ తెలుగు చిత్ర పరిశ్రమకు పరిచయం అయ్యారు. తొలి చిత్రంతోనే టాలీవుడ్‌ దృష్టిని ఆకర్షించారు. తెలుగు సినిమాలోకి ఓ మగాడు లాంటి డైరెక్టర్‌ వచ్చాడురా అని అంతా చెప్పుకునేలా చేసిందీ చిత్రం. ముఖ్యంగా ఇందులో సైకిల్‌ చైన్‌ని నాగ్ తెంచే సీన్‌ అప్పట్లో సంచలనం. కుర్రాళ్ళు ఈ సీన్‌ కోసమే ఎగబడి సినిమా చూడటం విశేషం.
బెజవాడ రౌడీ రాజకీయాలకు, కాలేజ్‌ల్లో రౌడీల పెత్తనానికి ప్రతిరూపంగా నిలిచిన ఈ సినిమా 1989 ఆక్టోబర్‌ 5న విడుదలైంది. ఎలాంటి అంచనాలు లేకుండా వచ్చిన ఈ సినిమా విడుదల తర్వాత ఓ సునామినే సృష్టించిందని చెప్పొచ్చు. అన్నపూర్ణ స్టూడియోస్‌, ఎస్‌ఎస్‌ క్రియేషన్స్‌ బ్యానర్స్‌పై అక్కినేని వెంకట్, యార్లగడ్డ సురేంద్ర నిర్మించిన ఈ సినిమా సౌండ్‌కు మరింత ప్రాధాన్యతను పెంచిన చిత్రమిది. మ్యూజిక్‌ మేస్ట్రో ఇళయరాజా సంగీతం అందించిన ఈ చిత్రానికి ఎస్‌.గోపాల్‌ రెడ్డి సినిమాటోగ్రాఫర్‌గా పనిచేశారు. ఈ చిత్రంతో నాగార్జున అగ్ర కథానాయకుడిగా ఎదిగారు. బాలీవుడ్ లోనూ క్రేజ్ ను సంపాదింకున్నారు నాగ్.
Remembering the cult classic on its anniversary. pic.twitter.com/h0S6Z9ozfM
— Annapurna Studios (@AnnapurnaStdios)విజయవాడలో చదువుకున్న రోజుల్లో వర్మ తన కాలేజ్‌ జీవితంలో చూసిన, విన్న గొడవల ఆధారంగా 'శివ' చిత్రాన్ని తెరకెక్కించారు. కేవలం యాభై ఐదు రోజుల్లో చిత్రీకరణ పూర్తి చేశాడు. ఈ సినిమా విడుదలై 22 సెంటర్స్‌లో వంద రోజులు, ఐదు సెంటర్స్‌లో యాభై రోజులు పూర్తి చేసుకుంది. పలు ఇంటర్నేషనల్‌ ఫిల్మ్ ఫెస్టివల్స్ లోనూ ప్రదర్శితమైన ఈ చిత్రానికి బెస్ట్‌ మూవీగా ఫిలింఫేర్‌ అవార్డ్‌తో పాటు బెస్ట్‌ ఫస్ట్ ఫిలిం, బెస్ట్‌ డైరెక్టర్‌, బెస్ట్‌ డైలాగ్స్ కేటగిరీల్లో సినిమాకు నంది అవార్డులు కూడా వచ్చాయి. `శివ` సినిమా అనగానే నాగార్జునే కాదు, విలన్‌గా నటించిన రఘువరన్, అమల పాత్రలు గుర్తుకు వస్తాయి. ఈ సినిమాని హిందీలో రీమేక్‌ చేయగా, అక్కడ కూడా సంచలన విజయం సాధించింది.