`తండేల్‌` ఓవర్సీస్‌ రైట్స్.. నాగచైతన్య క్రేజ్‌ ఏమాత్రం తగ్గలే..

నాగచైతన్య గత రెండు చిత్రాలు బాక్సాఫీసు వద్ద డిజప్పాయింట్‌ చేశాయి. అయినా ఆయన జోరు మాత్రం ఏమాత్రం తగ్గలేదు. ఇప్పుడు ఓవర్సీస్‌లో దుమ్మురేపింది.   

యంగ్‌ హీరో నాగచైతన్యకి ఇటీవల కాలంలో సరైన హిట్‌ పడటం లేదు. `లవ్‌ స్టోరీ` ఫర్వాలేదనిపించగా, `థ్యాంక్యూ`, `కస్టడీ` మూవీస్‌ డిజప్పాయింట్‌ చేశాయి. దీంతో ఒక్కసారిగా చైతూ డౌన్‌ అయిపోయాడు. అయినా తగ్గలేదు. ఇప్పుడు భారీ సినిమాతో రాబోతున్నాడు. పాన్‌ ఇండియా మార్కెట్‌ని టార్గెట్‌ చేస్తూ `తండేల్‌` మూవీ చేస్తున్నాడు. దీనికి `కార్తికేయ2` ఫేమ్‌ చందూ మొండేటి దర్శకత్వం వహించడం విశేషం. 

ఈ మూవీ శరవేగంగా చిత్రీకరణ జరుపుకుంటోంది. ఆ మధ్య గోవా పరిసర ప్రాంతాల్లో ఓ షెడ్యూల్‌ని పూర్తి చేసుకుంది. ఇప్పుడు మరో షెడ్యూల్‌కి రెడీ అవుతుంది. ఈ నేపథ్యంలో ఈ మూవీ బిజినెస్‌ ఇంట్రెస్టింగ్‌గా మారింది. ఆల్‌రెడీ ఓవర్సీస్‌ అమ్ముడు పోయినట్టు ప్రచారం జరుగుతుంది. ఓవర్సీస్‌ డిస్టిబ్యూషన్‌ సంస్థ ప్రత్యంగిర సినిమాస్‌ ఈ హక్కులను సొంతం చేసుకుందట. సుమారు రూ.6.5కోట్లకి ఈ మూవీ అమ్ముడు పోయినట్టు సమాచారం. 

నాగచైతన్య నటించిన గత చిత్రాలు `థ్యాంక్యూ` మూవీ ఓవర్సీస్‌ రైట్స్ రెండు కోట్ల 70లక్షలకు అమ్ముడు పోయింది. ఆ తర్వాత వచ్చిన `కస్టడీ` మూవీ రెండు కోట్లకు అమ్ముడు పోయింది. ఈ రెండు సినిమాలు నిరాశ పరిచాయి. అయినా కూడా ఇప్పుడు `తండేల్‌` చిత్రం ఆరున్నర కోట్లకు అమ్ముడు పోవడం విశేషమనే చెప్పాలి. 

మత్య్సకారుల నేపథ్యం పోర్ట్ బ్యాక్‌ డ్రాప్‌లో సాగే మూవీ ఇది అని తెలుస్తుంది. ఇందులో జాలరిగా నాగచైతన్య కనిపిస్తాడట. అక్కడి అమ్మాయిగా సాయిపల్లవి కనిపిస్తుందని, ఈ ఇద్దరి మధ్య లవ్‌ స్టోరీ ప్రధానంగా సినిమా సాగుతుందని తెలుస్తుంది. దీనికి బార్డర్‌ గొడవలకు సంబంధం ఏంటి? చైతూ పాకీస్థాన్‌ ఆర్మీకి ఎందుకు చిక్కాడు అనేది ఇంట్రెస్టింగ్‌గా ఉండబోతుంది. గీతా ఆర్ట్స్ ఈ మూవీ భారీ బడ్జెట్‌తో పాన్‌ ఇండియా స్థాయిలో నిర్మిస్తుంది. దసరా కానుకగా అక్టోబర్‌ 11న ఈ మూవీని విడుదల చేయడానికి ప్లాన్‌ చేస్తున్నారు.