`లూసిఫర్` రీమేక్లోకి ఐదో దర్శకుడు.. చిరుని సాటిస్పై చేస్తాడా?
సారాంశం
తెలుగుకి తగ్గట్టుగా `లూసిఫర్` రీమేక్ స్క్రిప్ట్ ని మౌల్డ్ చేసే పని మొదట `సాహో` ఫేమ్ సుజిత్కి అప్పగించాడు. ఆయన చాలా రోజులు దీనిపై వర్క్ చేసినా చిరు సాటిస్పై కాలేదు. ఆ తర్వాత కొన్ని రోజులు బాబీ పనిచేశారు. లాభం లేకుండా పోయింది.
మెగాస్టార్ చిరంజీవి సినిమాకి దర్శకుల జాబితా పెరిగిపోతుంది. దాన్ని రీమేక్ చేసేందుకు ఇప్పటి వరకు నలుగురు దర్శకులు కథపై వర్క్ చేసినా చిరు సంతృప్తి చెందలేదు. ఇప్పుడు ఐదో దర్శకుడి వద్దకు ఆ స్క్రిప్ట్ వెళ్ళింది. మరి ఆ సినిమా ఏంటో ఇప్పటికే అర్థమై ఉంటుంది. అదే `లూసిఫర్` రీమేక్. మలయాళంలో మోహన్లాల్ నటించిన ఈ సినిమాని తెలుగులో చిరంజీవి నటించాలని భావించారు. రీమేక్ రైట్స్ కొన్నారు.
అయితే తెలుగుకి తగ్గట్టుగా `లూసిఫర్` రీమేక్ స్క్రిప్ట్ ని మౌల్డ్ చేసే పని మొదట `సాహో` ఫేమ్ సుజిత్కి అప్పగించాడు. ఆయన చాలా రోజులు దీనిపై వర్క్ చేసినా చిరు సాటిస్పై కాలేదు. ఆ తర్వాత కొన్ని రోజులు బాబీ పనిచేశారు. లాభం లేకుండా పోయింది. ఇక తనకు `ఠాగూర్`, `ఖైదీ నెం.150` చిత్రాలను అందించిన వి.వి.వినాయక్ని రంగంలోకి దించాడు చిరు. వినాయక్ సైతం చిరుని సంతృప్తి పరిచేలా కథని తీర్చిదిద్దలేకపోయారు.
దీంతో పవన్ డైరెక్టర్ హరీష్ శంకర్ ఈ సినిమా కథపై వర్క్ చేస్తున్నట్టు వార్తలు వచ్చాయి. కానీ తాజాగా మరో పేరు తెరపైకి వచ్చింది. తమిళ దర్శకుడు మోహన్ రాజా వద్దకు ఈ రీమేక్ వెళ్ళిందట. బేసిక్గా రీమేక్ చిత్రాలను రూపొందించడంతో మోహన్ రాజా ఎక్స్ పర్ట్ అనే పేరుంది. మరి ఆయన అయినా ఈ స్క్రిప్ట్ ని చిరుకి తగ్గట్టు మౌల్డ్ చేస్తారా? లేక మరో దర్శకుడి వద్దకు వెళ్లాల్సి వస్తుందా? అనేది చూడాలి. తమిళ హీరో జయంరవి అన్నయ్యే మోహన్రాజా.
ప్రస్తుతం చిరు `ఆచార్య`లో నటిస్తున్నారు. ఇటీవల ఈ చిత్ర షూటింగ్ ప్రారంభం కాగా, శుక్రవారం నుంచి చిరు షూటింగ్లో పాల్గొంటున్నట్టు తెలుస్తుంది. కాజల్ ఇందులో హీరోయిన్. ఆమె డిసెంబర్ 5 నుంచి చిత్రీకరణలో జాయిన్ అవుతుందట. కొరటాల శివ దీనికి దర్శకత్వం వహిస్తున్నారు. రామ్చరణ్,నిరంజన్రెడ్డి నిర్మిస్తుండగా, రామ్చరణ్ ఇందులో కీలక పాత్ర పోషిస్తున్నారు.