కేసీఆర్ గారు ఇది మీకే సాధ్యం: మోహన్ బాబు

తెలంగాణ రాష్ట్ర ముందస్తు ఎన్నికల్లో టీఆర్ఎస్ పార్టీ ఘన విజయం సాధించింది. గత ఏడాది గజ్వేల్ నియోజకవర్గంలో 19,366 ఓట్లతో విజయాన్ని దక్కించుకొని విజయాన్ని అందుకున్న కేసీఆర్ ఈ సారి అంతకంటే ఎక్కువగా 50 వేలకు పైగా మెజారిటీని అందుకున్నాడు.

దీంతో సినీ, రాజకీయ ప్రముఖులు కేసీఆర్ ని అభినందిస్తూ ట్వీట్లు చేస్తున్నారు. తాజాగా మోహన్ బాబు.. కేసీఆర్ ని అభినందనలు తెలుపుతూ ప్రెస్ నోట్ ని విడుదల చేశారు. ''ఎన్నికలకు ముందు ఫిల్మ్ నగర్ దైవ సన్నిదానం ప్రాంగణంలో కేసీఆర్ గారు గెలవాలని కోరుకుంటున్నాను.

తథాస్తు దేవతలు తథాస్తు అన్నారు. ప్రజలు అధ్బుతమైన, అనితరసాధ్యమైన విజయాన్ని అందించారు. కేసీఆర్ గారు ఇది మీకే సంభవం. మీ విజయ పరంపర ఇలానే కొనసాగాలని కోరుకుంటూ.. మీ మంచు మోహన్ బాబు'' అని ప్రకటనలో తెలిపారు.