వైరల్ అవుతున్న చిరు ఖైదీ నం.150 రత్తాలు సాంగ్

ఊరించి ఊరించి చాలా కాలం నిరీక్షింప జేసిన మెగా సాంగ్ ఖైదీ నెంబర్ 150లోని రత్తాలు ఐటమ్ సాంగ్ విడుదల వైరల్ అవుతున్న మెగా స్టార్ ఐటమ్ లక్ష్మీ రాయ్ రత్తాలు సాంగ్

9 ఏళ్ల తర్వాత మెగాస్టార్ చిరంజీవి నటిస్తున్న చిత్రం కావడంతో ఖైదీ నెంబర్ 150 వ చిత్రం పై భారీ అంచనాలు నెలకొన్నాయి . ఆ అంచనాలకు తగ్గట్లుగా ఇటీవల కంప్లీట్ అయిన సెన్సార్ రిపోర్ట్ ప్రకారం ఖైదీ నెంబర్ 150 వ చిత్రంతో చిరంజీవి రికార్డుల మోత మోగించడం ఖాయంగా కనిపిస్తోంది . ఏకంగా ఈ చిత్రాన్ని 18 మంది సెన్సార్ సభ్యులు చూడటం , సినిమా అయిపోయాక చిరంజీవి ఖచ్చితంగా బ్లాక్ బస్టర్ కొట్టబోతున్నారు అని చెప్పడం తో ఆ చిత్ర యూనిట్ చాలా సంతోషంగా ఉంది .

చిరంజీవి ద్విపాత్రాభినయం పోషించిన ఈ చిత్రంలో కాజల్ అగర్వాల్ హీరోయిన్ గా నటించగా రాయ్ లక్ష్మీ ఐటెం సాంగ్ లో అందాలను ఆరబోసిందట . వివివినాయక్ దర్శకత్వంలో రాంచరణ్ నిర్మించిన ఈ చిత్రానికి దేవిశ్రీ ప్రసాద్ సంగీతం అందించగా సంక్రాంతి కానుకగా ఈ చిత్రం రిలీజ్ కానుంది .

ప్రీ రిలీజ్ ఈవెంట్ ని జనవరి 4 న విజయవాడలో అంగరంగ వైభవంగా నిర్వహించడానికి భారీ ఎత్తున ఏర్పాట్లు చేస్తున్నారు. కాగా ఈ చిత్రంలోని స్పెషల్ ఐటెమ్ సాంగ్ రత్తాలు సాంగ్ రిలీజైన కొద్ది గంటల్లోనే వైరల్ అయ్యింది. ఇప్పటికే మెగా స్టార్ స్టామినాను చాటిచెప్పిన ఆడియోపాటలకు ఈ పాట కూడా  తోడై మెగా ఫ్యాన్స్ కు ముందే కొత్త సంవత్సరం పండుగ తీసుకొచ్చింది.