కుమ్ముడంటే ఇదేరా అంటున్న మెగా స్టార్ కుమ్ముడు

కుమ్మేస్తున్న మెగాస్టార్ సాంగ్ రికార్డులు తిరగరాస్తున్న మెగాస్టార్ అమ్మడు కుమ్ముడు సాంగ్ కుమ్ముడంటే ఇదేరా అని ట్వీట్ చేసి మురిసిపోతున్న లహరి

సంక్రాంతి కానుకగా రిలీజ్ కానున్న మెగా స్టార్ 150 వ చిత్రం ఖైదీ నంబర్ 150. ఈ చిత్రంలోని కుమ్ముడు సాంగ్ ఇటీవలే రిలీజైన సంగతి తెలిసిందే. రిలీజైంది కదా ఇంకేంటి అంటే... అక్కడే ఉంది అసలు మేటర్. మెగా స్టార్ స్టామినా ఏ మాత్రం తగ్గకపోగా పెరిగిందనటానికి ఈ సాంగ్ క్రియేట్ చేస్తున్న రికార్డ్సే నిదర్శనం. 

మెగా స్టార్ ఖైదీ నెం.150  విడుదలకు ముందే సంచలనాలకు కేంద్రంగా మారుతోంది. ఇటీవల  విడుదలైన ఈ సినిమాలోని మొదటి ' అమ్మడు-కుమ్ముడు' పాట అప్రతిహతంగా దూసుకుపోతోంది.  యూ ట్యూబ్ లో రికార్డులను బద్దలు కొడుతోంది. తాజాగా 60 లక్షల  (6 మిలియన్ల) హిట్లను   సాధించింది. ఈ మేరకు లహరి మ్యూజిక్   అధికారిక  ట్విట్టర్ లో తన సంతోషాన్ని షేర్ చేసింది.  కుమ్ముడు అంటే ఇదే.. ఒక వారంలో 60 లక్షల వ్యూస్  అంటూ  ట్వీట్ చేసి అనందంతో ఉబ్బి తబ్బిబ్బవుతోంది లహరి సంస్థ.

మరోవైపు ఈ మూవీలోని  మూడవ పాటను విడుదలచేసేందుకు చిత్ర  యూనిట్  సిద్ధమవుతోంది. లహరి ట్వీట్ ను రీ ట్వీట్ చేసిన సంగీత దర్శకుడు   దేవిశ్రీ ప్రసాద్ ఈ మెగా వార్త అందించారు.  మెలోడీ  సాంగ్ గా    మెగా అభిమానులకు సంతోషాన్ని పంచనున్న ఈ పాట డిసెంబర్ 28 సాయంత్రం 6 గంటలకు రిలీజ్ చేయనున్నట్టు  ట్విట్టర్ ద్వారా సమాచారం అందించారు.  ద మెలోడీ ఆఫ్ ద మౌసం అంటూ ట్వీట్ చేశారు.