ఖైదీ నెంబర్ 150 టీజర్ విడుదల నేడే

 డిసెంబర్ 8, సాయంకాలం మెగా చిత్రం ‘ఖైదీ నెంబర్ 150’ టీజర్ విడుదల

మెగా స్టార్ అభిమానులు ఎన్నో ఏళ్లుగా ఎదురుచూస్తున్న 'ఆ రోజు' దాకా ప్రయాణం ఉత్సాహంగా ఉల్లాసంగా సాగేందుకు చర్యలు తీసుకుంటున్నారు ఖైదీ నెంబర్ 150 చిత్రం నిర్మాతలు.

మెగాస్టార్ చాలా రోజుల తర్వాత  నటిస్తున్న ఈ చిత్రం సంక్రాంతి కానుక అని అందరికీ తెలిసిందే. అయితే, అంతకాలం ఆగేదెలా అనే అసహనంతో ఉన్న చిరు అభిమానుల వేడక కోసం ఒక సారి టీజర్ మరొకసారి ఆడియో విడుదల చేసేందుకు చిత్ర యూనిట్ నిర్ణయం తీసుకుంది.

ఈ రోజు సాయంకాలం టీజర్ విడుదల చేస్తున్నట్లు ప్రకటించారు. చిరంజీవి రీ ఎంట్రీ సినిమా  అయిన ‘ఖైదీ నంబర్ 150’ ఆయన రాజకీయ, నట జీవితంలో ఒక మలుపు కానుంది. అయితే, ఆ మలుపు ఎటువైపు... అనేదిప్రశ్న.

అందుకే  ఆయన అభిమానుల్లో, రాజకీయ వర్గాల్లో సర్వత్రా ఈ చిత్రం ఉత్కంఠ పెంచుతూ ఉంది.  చిత్ర విడుదల వ్యూహం ఈ ఉత్కంఠను  రెట్టింపు చేస్తా ఉంది. విడుదల ముహూర్తం సమీఫంలోనే ఉన్నా,  ఇంతవరకు అందించినవి కొన్ని పోస్టర్లు మాత్రమే.

ఈ నిరాశ పోగొట్టేందుకు డిసెంబర్ 8 సాయంకాలం టీజర్ రిలీజ్ చేయాలని నిర్ణయించారు.  తర్వాత తర్వాత   డిసెంబర్ 25న  క్రిస్మస్ సందర్భంగా  ఆడియో విడుదల చేయనున్నట్లు యూనిట్ వర్గాలు తెలిపాయి.

ఆడియో ఈవెంటు ను కూడా చలా గ్రాండ్ స్థాయిలో ప్లాన్ చేస్తున్నారు. మెగా ఫ్యామిలీ హీరోలందరూ పాల్గొనే ఈ ఈవెంట్కు ముహుర్తం వేదిక విజయవాడలోని ఇందిరా గాంధీ మున్సిపల్ స్టేడియం.

రామ్ చరణ్ ధృవ సినిమా ఈ శుక్రవారం రిలీజ్ అవుతున్నది.  ఈ సినిమాతో పాటు ఖైదీ నంబర్ 150 ట్రైలర్ను థియేటర్లలో ప్రదర్శస్తారు. ఈ సంరదర్భంగానే  ఈ రోజు  టీజర్ రిలీజ్ చేస్తున్నారు.

రామ్చరణ్ తొలిసారిగా నిర్మాతగా మారి తెరకెక్కిస్తున్న ఖైదీ నంబర్ 150కు  వివి వినాయక్ దర్శకత్వం వహిస్తున్నారు.