ప్రాజెక్ట్ కే టైటిల్ అండ్ టీజర్ టైం ఫిక్స్... ప్రపంచ సినిమా వేదికపై అట్టహాసంగా!
By Sambi Reddy | First Published Jul 15, 2023, 8:33 AM IST
విడుదలకు ముందే ప్రాజెక్ట్ కే సంచలనాలు చేస్తుంది. ఈ భారీ సైన్స్ ఫిక్షన్ మూవీ టైటిల్ అండ్ ఫస్ట్ గ్లింప్స్ కి యూనిట్ టైం ఫిక్స్ చేశారు. అంతర్జాతీయ సినిమా వేదికపై ప్రాజెక్ట్ కే టైటిల్ రివీల్ కానుంది.
ప్రభాస్ హీరోగా తెరకెక్కుతున్న భారీ సైన్స్ ఫిక్షన్ మూవీ ప్రాజెక్ట్ కే. నాగ్ అశ్విన్ దర్శకుడు. ప్రాజెక్ట్ కే వర్కింగ్ టైటిల్ కాగా దాని అర్థం ఏమిటనే ఆసక్తి అందరిలో ఉంది. ఈ సుదీర్ఘ నిరీక్షణకు తెరదింపనున్నారు. ప్రాజెక్ట్ కే టైటిల్ అండ్ ఫస్ట్ గ్లింప్స్ కి ముహూర్తం ఫిక్స్ చేశారు. జులై 20 నుండి 23వరకు శాన్ డియాగో కామిక్ కామ్ ఈవెంట్ జరగనుంది. ఈ ప్రతిష్టాత్మక అంతర్జాతీయ ఈవెంట్లో పాల్గొనే అవకాశం ప్రాజెక్ట్ కే చిత్రానికి దక్కింది.
శాన్ డియాగో కామిక్ కామ్ లో పాల్గొనబోతున్న ఫస్ట్ ఇండియన్ మూవీగా ప్రాజెక్ట్ కే రికార్డులకు ఎక్కింది. శాన్ డియాగో కామిక్ కాన్ ఈవెంట్లో ప్రభాస్, దీపికా పదుకొనె, కమల్ హాసన్, నాగ్ అశ్విన్ తో పాటు చిత్ర నిర్మాతలు పాల్గొననున్నారు. అక్కడే ప్రాజెక్ట్ కే టైటిల్ అండ్ ఫస్ట్ గ్లింప్స్ విడుదల చేస్తున్నారు. ఈ మేరకు అధికారిక ప్రకటన చేశారు. యూఎస్ లో జులై 20న విడుదల చేస్తున్నారు. భారత కాలమానం ప్రకారం జులై 21న ప్రాజెక్ట్ కే టైటిల్ అండ్ ఫస్ట్ ప్రోమో అందుబాటులోకి రానున్నాయి.
Latest Videos
undefined
టైటిల్ టీజర్లో ప్రభాస్-అమితాబ్ బచ్చన్ లను చూడొచ్చని తెలుస్తుంది. ముఖ్యంగా ప్రభాస్ లుక్ ఎలా ఉంటుందనే ఆలోచన మైండ్ బ్లాక్ చేస్తుంది. గత మూడు చిత్రాల్లో ప్రభాస్ లుక్ పరంగా ఫ్యాన్స్ ని నిరాశపరిచిన నేపథ్యంలో ప్రాజెక్ట్ కే లుక్ ఇండియన్ ఫిల్మ్ ఇండస్ట్రీలోనే బెస్ట్ లుక్ అవుతుందనే నమ్మకంతో ఉన్నారు. ఇక ప్రాజెక్ట్ కే మూవీ 2024 జనవరి 12న సంక్రాంతి కానుకగా విడుదల కానుంది.
The world awaits the ultimate showdown.
Brace yourselves for a glimpse into the world of on July 20 (USA) & July 21 (INDIA).
Stay tuned and Subscribe: https://t.co/AEDNZ3ni5Q … pic.twitter.com/MMc60mrHxH
వైజయంతి మూవీస్ బ్యానర్లో అశ్వినీ దత్ రూ. 500 కోట్లకు పైగా బడ్జెట్ తో నిర్మిస్తున్నారు. ఇటీవల కమల్ హాసన్ కీలక రోల్ చేస్తున్నారని ప్రకటించి హైప్ మరింత పెంచేశారు. గతంలో దర్శకుడు నాగ్ అశ్విన్ ఇది పాన్ వరల్డ్ మూవీ అంటూ విశ్వాసం ప్రకటించారు. దిశా పటాని సైతం కీలక రోల్ చేస్తున్నారు. మరి ప్రాజెక్ట్ కే ఎలాంటి సంచలనాలు చేయనుందో చూడాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి