విజయశాంతిపై మహేష్ కామెంట్.. 'కొడుకు దిద్దిన కాపురం'లో ఇలా!

సూపర్ స్టార్ మహేష్ బాబు నటిస్తున్న తాజా చిత్రం సరిలేరు నీకెవ్వరు. వరుస విజయాల దర్శకుడు అనిల్ రావిపూడి ఈ చిత్రాన్ని తెరకెక్కిస్తున్నారు. ఈ ఏడాది మహేష్ బాబు మహర్షి చిత్రంతో సూపర్ హిట్ అందుకున్నాడు. అనిల్ రావిపూడి సినిమాలు మినిమమ్ గ్యారెంటీ అనే నమ్మకం ఉంది. దీనితో ఈ చిత్రంపై మంచి అంచనాలు నెలకొని ఉన్నాయి. 

మహేష్ బాబు, అనిల్ రావిపూడి తొలి కలయికలో వస్తున్న చిత్రం సరిలేరు నీకెవ్వరు. యంగ్ బ్యూటీ రష్మిక మందన ఈ చిత్రంలో మహేష్ సరసన నటిస్తోంది. దిల్ రాజు, రామ్ సుంకర ఈ చిత్రాన్ని సంయుక్తంగా నిర్మిస్తున్నారు. దేవిశ్రీ ప్రసాద్ ఈ చిత్రానికి సంగీత దర్శకుడు. 

లేడి సూపర్ స్టార్ విజయశాంతి ఈ చిత్రంతో చాలా రోజుల తర్వాత రీఎంట్రీ ఇస్తుండడం అంచనాలని పెంచుతోంది. విజయశాంతి పాత్ర చాలా పవర్ ఫుల్ గా ఉండబోతున్నట్లు తెలుస్తోంది. విజయశాంతి, మహేష్ బాబు 30 ఏళ్ల క్రితం కొడుకు దిద్దిన కాపురం చిత్రంలో నటించారు. ఆ చిత్రంలో విజయశాంతి, మహేష్ తల్లికొడుకులుగా నటించారు. 

తాజాగా మహేష్ బాబు ఆ చిత్రాన్నిగుర్తు చేసుకున్నాడు. కొడుకుదిద్దిన కాపురం చిత్ర సెట్స్ లో విజయశాంతితో కలసి ఉన్న ఓ అందమైన ఫోటోని షేర్ చేశాడు. 1989లో కొడుకు దిద్దిన కాపురంలో విజయశాంతిగారితో కలసి నటించా. కాలం చాలా వేగంగా మారిపోయింది. మళ్లీ 30 ఏళ్ల తర్వాత ఆమెతో కలసి నటిస్తున్నా అని మహేష్ పేర్కొన్నాడు.