రాముడిగా మహేష్, హనుమాన్గా అల్లు అర్జున్, రావణుడిగా హృతిక్..?
సారాంశం
ప్రభాస్ హీరోగా `ఆదిపురుష్` ప్రకటించగానే ఈ `రామాయణ్` ప్రాజెక్ట్ పై సస్పెన్స్ నెలకొంది. కానీ ఇటీవల మళ్లీ దీన్ని ట్రాక్లోకి తీసుకొచ్చారు దర్శక, నిర్మాతలు. ప్రస్తుతం ఈ సినిమాకి సంబంధించి ప్రీ ప్రొడక్షన్ వర్క్ స్టార్ట్ చేశారని తెలుస్తుంది. కాస్టింగ్పై ఫోకస్ పెట్టారట. ఇందులో రాముడిగా మహేష్బాబుని అనుకుంటున్నట్టు సమాచారం.
ప్రస్తుతం `రామాయణం`పై సినిమాలొస్తున్నాయి. ప్రభాస్ హీరోగా హిందీలో `ఆదిపురుష్` చిత్రాన్ని తెరకెక్కిస్తున్నారు. ఓం రౌత్ దీనికి దర్శకత్వం వహిస్తున్నారు. ఇది తెలుగు, తమిళం, కన్నడ, మలయాళంలోనూ తెరకెక్కనుంది. మరోవైపు తెలుగు బేస్డ్ గా నిర్మాత అల్లు అరవింద్ ఓ `రామాయణ్` చిత్రాన్ని తెరకెక్కించబోతున్నట్టు రెండేళ్ల క్రితం ప్రకటించిన విషయం తెలిసిందే.
ప్రభాస్ హీరోగా `ఆదిపురుష్` ప్రకటించగానే ఈ `రామాయణ్` ప్రాజెక్ట్ పై సస్పెన్స్ నెలకొంది. కానీ ఇటీవల మళ్లీ దీన్ని ట్రాక్లోకి తీసుకొచ్చారు దర్శక, నిర్మాతలు. ప్రస్తుతం ఈ సినిమాకి సంబంధించి ప్రీ ప్రొడక్షన్ వర్క్ స్టార్ట్ చేశారని తెలుస్తుంది. కాస్టింగ్పై ఫోకస్ పెట్టారట. ఇందులో రాముడిగా మహేష్బాబుని అనుకుంటున్నట్టు సమాచారం. అలాగే రావణుడిగా హృతిక్ రోషన్ని దాదాపుగా ఖరారు చేశారని టాక్. అలాగే సీత పాత్రలో దీపికా పదుకొనె పేరు వినిపిస్తుంది. ముందుగా నయనతార, అనుష్క పేర్లు తెరపైకి వచ్చినా, దీపికాకి నార్త్ లో మంచి ఫాలోయింగ్ ఉండటంతో ఈ నిర్ణయానికి వచ్చారని సమాచారం.
ఇదిలా ఉంటే ఇందులో మరో ఆసక్తికర విషయం వినిపిస్తుంది. హనుమంతుడు లేని రామాయణం ఊహించుకోలేం. రాముడు, రావణుడు ఎంత ముఖ్యమో, అంతకంటే ఎక్కువగా హనుమంతుడి పాత్ర ఉంటుంది. ఆ పాత్రకి అల్లు అర్జున్ ని అనుకుంటున్నారని టాక్. మరి ఇందులో ఎంత నిజముందో తెలియాల్సి ఉంది. కానీ ఈ కాంబినేషన్ మాత్రం అదిరిపోయేలా ఉందనే టాక్ వినిపిస్తుంది. ఇదే సెట్ అయితే, ప్రస్తుతానికి దీన్ని మించిన ఇండియన్ సినిమా లేదనేది నిజం. ఈ చిత్రానికి `మామ్` ఫేమ్ రవి ఉద్యవార్, `దంగల్` ఫేమ్ నితీష్ తివారీ దర్శకత్వం వహిస్తారు. త్రీడీగా మూడు భాగాలుగా ఈ సినిమాని తెరకెక్కించేందుకు నిర్మాతలు `అల్లు అరవింద్, మధుమంతెన, నమిత్ మల్హోత్రా ప్లాన్ చేస్తున్నారు.