తన స్నేహితుడు క్యాన్సర్ బారిన పడి చనిపోవడంతో, కీమోథెరపీ పట్ల జాగ్రత్తగా ఉండాలని సూచిస్తూ తాను ఆ ట్వీట్ చేశానని తనకు క్యాన్సర్ లేదని అన్నారు. ఒకప్పుడు అలీ పాటలకు విపరీతమైన క్రేజ్ ఉండేది
ప్రముఖ గాయకుడు లక్కీ అలీ ఇటీవల 'డియర్ కీమోథెరపీ నువ్వు ఎప్పటికీ పరిష్కారం కాలేవు' అంటూ ఓ పోస్ట్ పెట్టాడు. అదే సమయంలో సోనాలి బింద్రే కూడా తాను క్యాన్సర్ తో బాధపడుతున్నట్లు చెప్పారు. దీంతో ఓ పక్క సోనాలీ అభిమానులతో పాటు అలీ అభిమానులు కూడా ఆందోళన చెందారు.
అలీకి కూడా క్యాన్సర్ సోకిందని భావించారు. ఈ మేరకు మీడియాలో వార్తలు ఊపందుకున్నాయి. దీనిపై స్పందించిన ఆయన ఆ వార్తల్లో ఎలాంటి నిజం లేదని అన్నారు. ప్రస్తుతం తను ఆరోగ్యంగా ఉన్నట్లు.. హిమాలయాల్లో ఉన్నట్లు వెల్లడించారు.
తన స్నేహితుడు క్యాన్సర్ బారిన పడి చనిపోవడంతో, కీమోథెరపీ పట్ల జాగ్రత్తగా ఉండాలని సూచిస్తూ తాను ఆ ట్వీట్ చేశానని తనకు క్యాన్సర్ లేదని అన్నారు. ఒకప్పుడు అలీ పాటలకు విపరీతమైన క్రేజ్ ఉండేది. 60 ఏళ్లకు దగ్గరపడుతున్న అతడు తన పాటలతో ఎందరిలో ఆకట్టుకున్నాడు.