లారెన్స్ రెండు చిత్రాలు ఒకే రోజు విడుదల
సారాంశం
ప్రముఖ నృత్యదర్శకుడు నటుడు రాఘవ లారెన్స్ తనకు తానే పోటీ కానున్నారు లారెన్స్ రెండు చిత్రాలు ఒకే రోజు విడుదల కానున్నాయి ఈ నెల17న రిలీజ్ కానున్న మొట్టశివ కెట్టశివ శివగంగ సినిమాలు
ఇది తెలుగులో మంచి విజయాన్ని సాధించిన పటాస్ చిత్రానికి రీమేక్. నటి నిక్కీగల్రాణి నాయకిగా నటించారు. ఇతర ముఖ్య పాత్రల్లో సత్యరాజ్, రానా, వంశీకృష్ట, కోవైసరళ, సీమాన్ నటించిన ఈ చిత్రానికి సీనియర్ నటి జయచిత్ర వారసుడు అమ్రేష్ గణేశ్ సంగీతాన్ని అందించారు. ప్రముఖ చిత్ర నిర్మాణ సంస్థ సూపర్గుడ్ ఫిలింస్ పతాకంపై ఆర్బీ.చౌదరి నిర్మించిన పటాస్ చిత్ర ఆడియో ఆవిష్కరణ కార్యక్రమాన్ని ఈ నెల ఐదవ తేదీన నిర్వహించనున్నట్లు చిత్రా వర్గాలు వెల్లడించారు.
అదే విధంగా చిత్రాన్ని ఈ నెల17న విడుదల చేయనున్నట్లు ప్రకటనను విడుదల చేశారు. ఇక లారెన్స్ నటించిన మరో చిత్రం శివగంగ . ఇది కన్నడంలో హిట్ అయిన చిత్రానికి రీమేక్. ప్రముఖ దర్శకుడు పి.వాసు దర్శకత్వం వహించిన ఇందులో లారెన్స్ కు జంటగా నటి రితికాసింగ్ నటించారు.శక్తివాసు, వడివేలు ముఖ్య పాత్రలు పోషించిన ఈ చిత్రాన్ని ట్రైడెంట్ ఆర్ట్స్ పతాకంపై ఆర్.రవీంద్రన్ నిర్మించారు. ఎస్.తమన్ సంగీతాన్ని అందించిన శివగంగ చిత్రాన్ని ఈ నెల 17వ తేదీన విడుదల చేయనున్నట్లు చిత్ర వర్గాలు ప్రకటనల ద్వారా ప్రచారాన్ని మొదలెట్టారు.
దీంతో లారెన్స్ చిత్రానికి ఆయన మరో చిత్రమే పోటీ కానుంది.అయితే ప్రకటించినట్లుగా ఈ రెండు చిత్రాలు ఒకే రోజు విడుదలవుతాయా? లేక ఏదో ఒకటి పోటీ నుంచి విరమించుకుంటారో చూడాలి.