లక్ష్మీస్ ఎన్టీఆర్ కు మరో షాకిచ్చిన ఏపీ హైకోర్ట్

సంచలన దర్శకుడు రామ్ గోపాల్ వర్మ రూపొందించిన 'లక్ష్మీస్ ఎన్టీఆర్' సినిమా ఇటీవల ప్రేక్షకుల ముందుకు వచ్చి సక్సెస్ అందుకున్న సంగతి తెలిసిందే. అయితే ఏపీలో మాత్రం ఈ సినిమా రిలీజ్ కాకుండా హైకోర్టు స్టే ఇచ్చింది.

ఏప్రిల్ 3న సినిమా చూసి నిర్ణయం తీసుకుంటామని న్యాయమూర్తులు చెప్పారు. ఈ క్రమంలో చిత్రబృందం సుప్రీం కోర్టుని ఆశ్రయించింది. దీంతో విచారణ సుప్రీం కోర్టులో పెండింగ్ లో ఉన్న కారణంగా తాము తీర్పు చెప్పలేమని, సినిమా ప్రివ్యూ కూడా చూడలేమని న్యాయమూర్తులు కేసుని ఏప్రిల్ 9కి వాయిదా వేశారు.

ఈరోజు సినిమా రిలీజ్ విషయంలో ఓ నిర్ణయం వ్యక్తమవుతుందని భావించిన చిత్ర నిర్మాత రాకేశ్ రెడ్డికి చుక్కెదురైంది. దీంతో రిలీజ్ పై ఉత్కంఠ కొనసాగుతోంది. మరోపక్క సినిమా విడుదల కాకపోవడంతో తమకు నష్టాలు వచ్చాయని డిస్ట్రిబ్యూటర్లు హైకోర్టులో కేసు వేయడానికి సిద్ధమవుతున్నారు.